Endi Atyraýdaǵy múmkindigi shekteýli jandar bos ýaqyttaryn tıimdi ótkizip, túrli ulttyq buıymdar jasaýdy úırenedi. «Múgedek álemi» qoǵamdyq birlestigi «Qoltańba» atty qolóner jobasyn bastady.
– Qazirdiń ózinde 17 qyz-kelinshek jobaǵa qatysýǵa ótinish bildirdi. Olar oıý oıyp, kórpe tigýdi, kilem toqýdy meńgeredi. Er azamattar aǵash pen temirden buıym túrlerin jasaıdy. Bir jyl boıy oqytamyz. Keıin jeke kásipterin ashýǵa, jumysqa ornalasýǵa kómektesemiz. Joba qatysýshylarynyń jasyna shekteý qoıylmaıdy, – deıdi qoǵamdyq birlestik tóraıymy Kúlbarshyn Nurjigitova.
«Múgedek álemi» úkimettik emes uıymynyń qurylǵanyna bıyl 15 jyl. Osy ýaqyt ishinde uıym músheleri 35 jobany júzege asyrǵan.
Baqytgúl BABASh,
«Egemen Qazaqstan»
ATYRAÝ