Ulttyq qurylys salasy assosıasııasynyń prezıdenti Muhıt Ázerbaevtyń aıtýynsha, jańadan boı kóteretin 14-shi yqsham aýdanǵa 49 kópqabatty úı ornalasady. Onyń ishinde bes qabatty 27, toǵyz qabatty 16, on eki qabatty 6 úı salynady. Jalpy turǵyndarǵa beriletin 5 460 páterge 16 000 adam qonystanady dep josparlanýda. Sondaı-aq bul aýmaqta turǵyn úılerden bólek, áleýmettik nysandar da kóptep salynady. Mysaly, 250 oryndyq 3 balabaqshanyń, 2 orta mekteptiń, balalardy beıimdeý ortalyǵynyń qurylysy júrgizilip, aýysymyna shamamen 500 adam qabyldaıtyn emhana men onkologııalyq dıspanser, dıagnostıkalyq ortalyq boı kóteretin bolady. Sondaı-aq, tarazdyqtardyń kópten kútken neke úıi de osy yqsham aýdanda boı kóteredi. Odan bólek, munda mádenı-rýhanı nysandar da salynyp, halyqqa qyzmet kórsetedi.
«Búgingi tanystyrylyp otyrǵan 14-shi yqsham aýdannyń qurylys jobasy tolyqtaı iske assa, kóne shahardyń odan ári qulpyra túsetini anyq. Degenmen, jobadaǵy demalys oryndarynan sýburqaqtardy baıqamaı turmyn. Sondaı-aq, yqshamaýdanda salynatyn saýda keshenderi úlken joldyń boıynda ornalasypty. Bul óz kezeginde turǵyndarǵa qolaısyzdyq týǵyzýy múmkin. Osyny qaıta qarap, kólik az júretin yqsham aýdan bóligine ornalastyrý qajet dep oılaımyn», – dedi Kárim Kókirekbaev.
О́z sózinde Muhıt Ázerbaev aıtylǵan máselelerdiń sheshimin tabatynyn aıtyp, aldaǵy kúnderi qurylys jobasyn jetildirý úshin birlesken jumysshy keńesin qurý bastamasyn usyndy.
Hamıt Esaman,
«Egemen Qazaqstan»
Jambyl oblysy