Sharaǵa qala ákiminiń orynbasary Erlan Áýkenov qatysyp, kásipkerlerge qoldaý kórsetti. Qytaıda kólik qurastyratyn kompanııa Almaty naryǵyna 2011 jyly kirgen. Áýelde avtosalonda 42 adam jumys istegen bolsa, qazir onyń sany artypty. Dıllerlik ortalyq kúrdeli jóndeýden ótip, qyzmet kórsetetin ortalyqta iske qosylǵan. Sonyń arqasynda 24 jańa jumys orny qurylǵan. Avtosalonda qazir 3 túrli kólik markasy satylady. Al dıllerler jyl sońyna deıin taǵy 4 markany jetkizýdi josparlap otyr. Mashınalardyń quny tutynýshylarǵa qoljetimdi. Kólikter 3,5-5 mln teńge aralyǵynda satylady. Al, nesıege alǵysy keletinderge 3 bankpen kelisimshart jasalǵan kórinedi.
«Bizdiń naryqqa sapaly qyzmet kórsetetin ári tıimdi baǵa usynyp otyrǵan taǵy bir kompanııa kirdi. Biz munda usynylǵan kólik túrlerin jáne olardyń baǵalaryn kórdik. 3 jáne 5 mln teńgeniń tóńiregindegi avtomashınalar, búgingi kúni tutynýshyǵa qoljetimdi dep esepteımiz. Al mundaǵy kepildikpen kórsetiletin sapaly qyzmet Almatynyń servıstik qyzmetiniń joǵary ekenin dáleldeıdi. Biz qalaǵa ınvestısııa salǵan jańa kompanııalardyń qurylýyn, eń bastysy jańa jumys oryndarynyń ashylýyn qashanda qoldaımyz», - dedi qala ákiminiń orynbasary Erlan Áýkenov.