Evolıýsııalyq damý: jastardyń róli

Din isteri jáne azamattyq qoǵam mınıstrligi men Qazaq­stan jastarynyń kongresi bir­lesip ótkizgen sharaǵa vıse-mınıstr Abzal Núkenov, Par­la­ment Má­ji­lisiniń depýtat­ta­ry Baqtııar Má­ken men Ge­n­nadıı Shıpovskıh, res­pýb­lı­kalyq jastar uıym­da­rynyń kóshbasshylary, el­or­dalyq stýdentter qatysty.

Din isteri jáne azamattyq qo­ǵam mınıstriniń orynbasa­ry Abzal Núkenov aıtyp ót­ken­deı, bıylǵy jyldyń al­ǵash­qy toqsany elimiz úshin asa mańyzdy oqıǵalarǵa to­ly boldy. Jyl basynda El­ba­­synyń konstıtýsııalyq re­for­­malarǵa qatysty Úndeýi ja­­rııalandy. Memlekettik bı­­lik tarmaqtarynyń óki­le­t­­tikteri qaıta qaralyp, bir­qa­­tar jaýapkershilikter men óki­lettikter Úkimet pen Parl­a­­m­entke júkteldi. Jergilikti bas­qarýshy organdardyń ró­li kúsheıdi. Elimiz úshinshi eko­no­mıkalyq jańǵyrý jolyna qa­dam basty. Elimizdiń aldaǵy ýa­qytta álemniń damyǵan otyz eli­niń qataryna qosylýy úshin rýhy baı, mádenıeti joǵary, bilimi kemel azamattyq qoǵam qalyptastyrý kerek.

– 12 sáýir kúni «Egemen Qazaqstan» gazetinde Elbasy­myz­­dyń «Bolashaqqa baǵdar: rýhanı jańǵyrý» atty baǵ­dar­lamalyq maqalasy jaryqqa shyqty. Bul bizdiń elimiz úshin úlken ma­ńyz­ǵa ıe, qundylyǵy teń­dessiz dú­nıe dep bilemiz. Prezıdent maqa­la­synyń qoǵam úshin qanshalyqty mańyzdy ekenin jete túsiný úshin, onyń astaryna tereńirek úńi­lý úshin búgingi kezdesýge jas­tardyń ózderi muryndyq bol­ǵa­nyna qý­a­nyshtymyn, – dedi Abzal Núkenov.

Jıyn barysynda Májilis de­pýtattary, «Qazaqstan jas­ta­r­y­nyń kongresi» zań­dy tulǵalar bir­lestiginiń jetekshileri sóz só­ı­-

lep, Elbasy maqalasynyń jas­tarǵa qatysty bólimderi týraly óz oılaryn ortaǵa saldy.  

Din isteri jáne azamattyq qo­ǵam mınıstrliginiń ókilderi jas­tarmen jumys isteıtin organ retinde aldaǵy ýaqytta jastar uıymynyń qanatyn keńge jaıýyna, el ıgiligi úshin qolǵa alǵan jumystaryna qoldaý kórsetýge, jańa jobalardyń jolyn ashýǵa árdaıym ázir ekendikterin aıtty.

Arnur ASQAR,

«Egemen Qazaqstan»