24 caǵat

Ulybrıtanııa qarýly kúsh­teriniń general-maıory óz eli avıasııasynyń sońǵy kúnderi Lıvııa aspanyndaǵy is-qımyl­dary týraly esep berdi. Ushaq­tar negizinen el ortalyǵyndaǵy Mısýraty aýdany tóńiregine nazar aýdarǵan. Reseı prezıdenti D.Medvedev pen Ýkraına prezıdenti V.Iаnýkovıch Chernobyl AES-indegi apattyń zardabyn joıý­shy­larǵa eskertkishtiń alǵash­qy tasyn qalady. Monýment sha­hardaǵy saıabaqqa orna­tyl­maq. Qytaı BAQ-tary elde ja­sal­ǵan J-15 Flying Shark palý­ba­lyq joıǵysh ushaǵynyń alǵash­qy sýretin jarııalady. Ony sy­naqtan ótkizý ústimizdegi jyl­dyń aıaǵyna belgilenip otyrǵan kórinedi. Reseıdiń Volgograd qala­syn­da eki jarylys jasaldy. Bireýi IIM zań akademııa­sy­nyń mańyndaǵy avtoturaqta, ekinshisi jol polısııasy ǵı­ma­ratynyń janynda jasalǵan. Jaralanǵandar bar bolǵa­ny­men, qaza tapqandar joq sııaqty. «Baltııa» portalynyń (Latvııa orys qaýymynyń portaly) bas redaktory Sergeı Malahovskıı Estonııa aýmaǵyna kirgenimen, kóp keshikpeı shyǵaryp jiberildi. Ol el aýmaǵyna kirýge tyı­ym salynǵandar tiziminde eken. Ýkraınanyń Sýma obly­syn­daǵy Býryn selosynda belgisiz bireýler temir-betonnan quıylǵan V.Lenınniń eskertkishin jerge qulatyp, keńes kóseminiń «basyn al­ǵan». Jalpy, Ýkraınada Lenın men Stalın eskertkishteri jıi-jıi «shabýylǵa» ushy­rap turady. Suraý salynǵan mysyrlyq­tardyń 62 paıyzy elde sharıat normalaryna negizdelgen zań­dar engizilýine qoldaý bildirgen. Taǵy 27 paıyzy el zańdary mu­sylman dininiń jalpy qaǵıdat­taryna baǵdarlanýy tıis dep esepteıdi eken. Túrkııada armıandar men tú­rikterdiń dostyǵyn bildiretin eskertkishti buzý úderisi bas­taldy. Armenııa sheka­ra­sy­nan 40 shaqyrym jerdegi Kars qalasynda ornatylǵan mo­nýmentti tolyqtaı buzý 10 kúnge sozylmaq kórinedi. Pákstanda sońǵy eki kúnde jolaýshylar avtobýsyna úsh márte shabýyl jasaldy. Alǵash­qy shabýyl kezinde 15 adam kóz jumsa, aralarynda kóptegen áı­el­der men balalar bar eken. Sońǵy eki shabýyldan úsh adam opat bolsa, 30-dan astamy ja­ralanǵan. Aýǵanstannyń Qandaǵar qa­lasyndaǵy túrmeden qash­qan 500-ge jýyq  tutqynnyń shamamen 65-i ustalǵan. Qash­qyndardyń 100 shaqtysy dala komandırleri kórinedi. Bul sońǵy úsh jyldaǵy osyndaı ekinshi jappaı qashý bolyp tabylady. Kınoakter jáne Kalıfornııa shtatynyń burynǵy gýber­na­tory Arnold Shvar­seneg­gerdiń AQSh prezıdenttigine tú­sýim múmkin degen shamshyl nıetin estigen Eýroparlament de­pý­tattary ony kúlkige aınaldyrdy. Internet materıaldary negizinde ázirlendi.