- Jastardy elge qaıtarýda olardyń otbasylarymen jumys júrgizip qana qoımaı, barlyq múmkindikti, tipti qarjylyq máseleni de sheshý joldaryn qarastyryp jatyrmyz, - dedi óńirlik kommýnıkasııalar qyzmetinde ótken brıfıngte oblystyq din isteri basqarmasynyń basshysy Qaırolla Kóshqalıev.
Aımaqta aqparattyq-túsindirý jumystarymen aınalysatyn 15 top bar. Olardyń quramyna quqyq qorǵaý organdarynyń, Aýǵan soǵysynyń ardagerleri men belsendi jastar tartylǵan. Basqarma endi oqý oryndarynda dinı saýattylyqty arttyratyn arnaıy kýrstar ashýdy josparlap otyr. О́tken jyly 980 adam dinı, psıhologııalyq, quqyqtyq keńester alǵan. Dinı qyzmet týraly zańdy buzǵan 11 adam ákimshilik jaýapkershilikke tartyldy. Al jyl basynan beri zańsyz mıssıonerlik qyzmet júrgizgen úsh adamǵa, ımamdardyń dinı jumystaryna keseldik keltirgen eki, zańsyz dinı ádebıet taratqan tórt adamǵa hattama toltyrylǵan. Prokýratýra organdary ınternette ekstremızmdi nasıhattaǵan 10 saıtty buǵattady.
Terrorızm baptarymen jazalaryn ótep jatqan 35 adammen ońaltý júmystary júrgizilýde. «Olarmen psıholog, teolog mamandar jumys isteıdi, endi tarıhshy, ádebıetshi mamandardy da osy iske tartamyz, sebebi temir tordyń ar jaǵynda otyrǵandardy týǵan eliniń salt-dástúr, tarıhyn, ádebıetin durys tanyp bilmegendikten shalys basqan dep oılaımyn», - dedi Q.Kóshqalıev. Sondaı-aq, teris dinı aǵymdardan japa shekkenderge kómek kórsetetin daǵdarys ortalyǵy ashylady. Jalpy oblysta 29 ıslamdyq, úsh pravoslavtyq, eki katolıktik jáne jeti protestanttyq dinı birlestik tirkelgen.
Baqytgúl BABASh,
«Egemen Qazaqstan».
ATYRAÝ.