Búgin atmosferalyq fronttardyń ótýine baılanysty Qazaqstannyń basym bóliginde jańbyr jaýýy múmkin. Respýblıkanyń keı jerlerinde tuman túsip, ekpindi jel soǵady. Bul týraly QR IIM TJK baspasóz qyzmeti habarlaıdy.
Jambyl oblysynda jeldiń jyldamdyǵy 15-20 m/s bolady, kúndiz jeldiń ekpini 23 m/s-ǵa deıin kúsheıýi yqtımal, keı jerlerinde tuman túsedi. Soltústik Qazaqstan oblysynda jeldiń jyldamdyǵy 15-20 m/s bolady, kúndiz jeldiń ekpini 25 m/s, túnde keı jerlerinde tuman túsedi. Aqmola, Qyzylorda, Pavlodar, Shyǵys Qazaqstan, Qostanaı, Ońtústik Qazaqstan oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi. Shyǵys Qazaqstan, Qostanaı oblystarynyń keı jerlerinde tuman, Ońtústik Qazaqstan oblysynyń jekelegen aýdandarynda naızaǵaı kútiledi. Aqtóbe, Qaraǵandy, túnde Almaty oblystarynyń keı jerlerinde tuman kútiledi.