Tótenshe jaǵdaıdy eńserýge barlyq kúsh jumyldyrylýda

«Birqatar óńirlerde jaýyn-shashyn boldy, sonyń saldarynan ózen­der tolyp, sýy arnasynan asty, eldi me­kenderdi sý basý qaýpi týdy, Aq­mola, Aqtóbe, Shyǵys Qazaqstan, Qara­ǵandy, Qostanaı, Pavlodar jáne Sol­tús­tik Qazaqstan oblystarynda jol­dar shaıyldy. Adamdardyń qaza bolýy­na jol bermeý maqsatynda sý as­tyn­da qalǵan aımaqtardaǵy eldi meken­derden aldyn ala 4 715 adam evakýasııalandy, olar Aqmola oblysy boıynsha – 1 340, Shyǵys Qazaqstan ob­lysy boıynsha – 52, Jambyl ob­ly­sy boıynsha – 55, Qaraǵandy ob­lysy boıynsha – 1 850, Qostanaı ob­lysy boıynsha – 200, Aqtóbe obly­sy boıynsha – 1 174, Soltústik Qazaq­stan oblysy boıynsha 44 adam­dy qurady. Sonyń ishinde 860 adam úı­lerine oraldy, 3 167 adam týys­tary­nyń úılerine ornalastyryldy, qalǵan 688 adam evakýasııalaý pýnk­tinde qaldy. Eldi mekenderden 5 598 bas mal  qaýipsiz jerge aıdaldy, sonyń ishinde 2 195-i aýlalaryna qa­ıt­aryldy. Qazirgi ýaqytta tótenshe jaǵ­daılar aımaqtarynda 1 987 qut­qarýshy, Ulttyq ulannyń áskerı qyz­metshileri, jergilikti atqarýshy or­gandar men jergilikti polısııa qyz­metkerleri, 605 birlik tehnıka ava­rııalyq-qutqarý jáne shuǵyl ju­mystardy júrgizýde», – dedi vıse-mınıstr. 

Iý.Ilın, sondaı-aq, sý tasqy­ny keze­ńiniń basynan beri IIM bólim­she­leri men jergilikti atqarýshy organdar 22 shaqyrym ýaqytsha bógen turǵyzyp, 119 myńnan astam qapqa qum salynǵanyn jáne tóselgenin, 643 myńnan astam tekshe metr erigen qar sýy soryp alynǵanyn atap kór­setti. Tótenshe jaǵdaılar sý alý qaýpi men olar­dyń týyndaýyna jedel den qoıý maq­satynda IIM sý tasqyny kúrde­lene túsken jaǵdaıda aldyn ala 12 471 adam, 1 955 birlik tehnıka, 19 tik­ushaq, 302 birlik júzý quraly bar kúsht­er men quraldar toptaryn qu­r­ǵany da kóldeneń tartyldy. «Halyq­ty evakýasııalaý pýnktteri da­ıyn­daldy. Barlyq óńirlerde tó­ten­­she jaǵdaılardy joıý kezindegi is-qı­­myldar josparlary ázirlendi, sý tasqyny kezeńindegi ózara is-qı­myl­­da­r josparlary túzildi. Tóten­she jaǵdaılar komıtetinde jáne onyń 6 aýmaqtyq bólimshesinde sý tas­qy­nynyń saldaryn joıý jedel shtab­tary quryldy, olar táýlik boıy qyzmet atqarady», – dedi vıse-mınıstr.

Júrgizilgen taldaýǵa sáıkes, Aqmola, Qaraǵandy jáne Jambyl oblystaryndaǵy sý qoımalary­na tasqyn jáne erigen qar sýy tolassyz aǵyp kelýine baılanysty keıbir eldi mekenderdi sý alyp, avtojoldardy sý shaıǵan bolatyn. Atalǵan jaǵdaıǵa baılanysty IIM Tótenshe jaǵdaılar komıtetiniń «Qazavıaqutqarý» AQ tikushaǵyn qoldana otyryp, As­tana qalasynyń, Aqmola, Shyǵys Qazaq­stan, Qara­ǵandy, Qyzylorda, Qos­tanaı, Pav­lo­dar jáne Soltústik Qa­zaq­stan oblystarynyń aýmaǵyn áýe­­den barlaý jumystary júrgizilgen.

«Aqmola, Qostanaı, Aqtóbe, Qaraǵandy, Soltústik Qazaqstan oblystarynyń Tótenshe jaǵdaı departamentterinde «qaýyrt jeli» telefondary jumys isteıdi, olar boıynsha halyq qajetti aqparattar ala alady. Qalyptasqan jaǵdaıǵa baılanysty Qaraǵandy oblysynyń Buqar jyraý jáne Abaı aýdandary men Aqtóbe qalasynyń ákimderi óz aýmaqtarynda tabıǵı sıpattaǵy tótenshe jaǵdaılar týyndaǵany týraly jarııalady. О́zenderdegi sý deńgeıine táýlik boıy monıtorıng júrgizilýde jáne halyqpen jıyndar ótkizilýde, olarǵa qalyptasqan jaǵdaı týraly aqparattar berilip jatyr. Áleýmettik jeliler, teledıdar arqyly halyqty qulaqtan­dyrý uıymdastyrylýda. Ortalyq jáne soltústik óńirlerde sý tasqy­ny kezeńiniń qaýipsiz ótýin jáne olar­dan keletin teris saldardy azaıtýdy qamtamasyz etý maqsatyndaǵy jumystar jalǵasýda», – dedi sońynda Iý.Ilın.

Raýan QAIDAR,

«Egemen Qazaqstan»