Saýd Arabııasy únemdeýge kóshti
Saýd Arabııasy úkimeti quziretti mınıstrlikter men vedomstvolarǵa ınfraqurylym men ekonomıkany damytý boıynsha qazir júrip jatqan mıllıardtaǵan dollardyń jobalaryn toqtatý nemese qaıta qaraýdy tapsyrdy, dep habarlaıdy investing basylymy el úkimetine silteme jasap.
«Bular – ondaǵan jyl buryn, munaı baǵasy joǵary kezde qolǵa alynǵan jobalar. 2014 jyly munaı baǵasy quldyraǵannan keıin memlekettiń bıýdjettik shyǵystary da qysqara bastady. Bılik qazirgi tańda qatań únemdeýge kóshýi kerek» dep jazady basylym.
Úkimet jumysyn jaqsartý maqsatynda ótken jyly qurylǵan eldegi kapıtaldy jáne operasııalyq shyǵyndardy retteý bıýrosy keminde 25 paıyzǵa oryndalǵan jobalardyń tizimin jasamaq.
Sheneýnikter atalǵan jobalardyń ómirsheńdigin tekserip,eldiń shıkizatqa táýeldi ekonomıkasyn ártaraptandyrý maqsatynda qaı jobany sońyna deıin jetkizip, qaısysyn toqtatý kerektigi týraly sheshim qabyldamaq.
Bıýdjetke túsetin aýyrtpalyqty azaıtý maqsatynda el úkimeti atalǵan jobalarǵa jeke sektordy tartýdy da oılastyrýda.
«Bir beldeý, bir jol» álemdik ekonomıkany qalaı ózgertedi?
Qytaıdyń «Bir beldeý, bir jol» atty iri bastamasy álem ekonomıkasynyń baǵytyn ózgertpek, dep jazady Sınhýa agenttigi.
Basylymnyń habarlaýynsha, Qytaıdyń eksporttyq qýatyn nyǵaıtýǵa baǵyttalǵan bul jobada Pekınniń EAEO elderimen aradaǵy ekonomıkalyq yntymaqtastyǵy mańyzdy rólge ıe. «О́ıtkeni, Eýrazııalyq odaq naryǵy Qytaıdyń iri tutynýshylarynyń biri Eýropaǵa ashylǵan esigi» dep jazady agenttik.
Bul turǵyda EAEO men Qytaı arasynda ózara saýda týraly kelisimsharttardyń bereri sol ekeni aıtylady.
Osy oraıda Qytaı aqparat agenttigi «Bir beldeý, bir jol» megabastamasynyń álem ekonomıkasynyń búgingi bet-beınesin ózgertetinin boljaıdy. Sarapshylardyń pikirinshe, teńiz joly tasymalyna negizdelgen búgingi halyqaralyq saýda bolashaqta Uly Jibek joly boıynda qaıta jandanyp, Eýrazııalyq keńistik álem ekonomıkasynyń kúretamyryna aınalmaq.
Esterińizge sala keteıik, aldaǵy mamyr aıynda Pekınde «Bir beldeý, bir jol» atty halyqaralyq forým uıymdastyrylmaq.
QHDR raketalyq synaqtardy toqtatpaq emes
Soltústik Koreıa raketalyq synaqtaryn jalǵastyra beredi, dep málimdedi eldiń syrtqy ister mınıstriniń orynbasary Han Son Rl dúısenbi kúni BBC-ge bergen suhbatynda.
Onyń aıtýynsha, eger AQSh óz tarapynan áskerı sharalar qolǵa alatyn bolsa, arada soǵys oty tutanyp ketýi yqtımal. «Eger Qurama Shtattar áskerı shara qoldanýǵa batyly barsa, eki el arasynda bastalyp ketetin soǵysqa daıyn bolýy kerek» dep eskertti KHDR syrtqy ister mınıstriniń orynbasary.
Al QHDR-dyń BUU-daǵy elshisiniń orynbasary AQSh-pen aradaǵy qandaı da soǵysqa daıyn ekendikterin málimdedi.
“Qurama Shtattar álemdegi beıbitshilikke qaýip tóndirýde. Olar ózge eldiń saıasatyna aralasýyn toqtatar emes. Olardyń oıynsha, álemdegi turaqtylyq pen halyqaralyq quqyqtyń saqtalýyna tek solar ǵana kepildik bola alady. Olardyń ózderine degen senimdiligi Koreı jartyaralynda áskerı operasııa bastaýyna túrtki bolýda» dedi elshiniń orynbasary.
Erterekte AQSh vıse-prezıdenti Maıkl Pens Soltústik Koreıanyń ıadrolyq synaqtaryn toqtatý úshin Aq úıdiń Phenıanǵa ekonomıkalyq jáne dıplomatııalyq qysymdy eseleı túsetinin málimdegen edi.
Amerıka otandyq ónim men otandyq eńbek kúshine basymdyq beredi
AQSh prezıdenti Donald Tramp «Amerıkalyq ónimdi satyp al, amerıkalyqty jalda» dep atalatyn jańa proteksıonıstik (otandyq ekonomıkany qoldaýǵa baǵyttalǵan) qaýly qabyldady, dep jazady Reuters agenttigi Aq úıdiń baspasóz qyzmetine silteme jasap.
Prezıdent ákimshiliginiń málimetinshe, qaýly boıynsha federaldy kelisimshart negizinde memlekettik satyp alýlarda amerıkalyq taýarlar úlesin arttyrýdy kózdeıdi.
Qaýly negizinde, quziretti vedomstvo jekelegen kompanııalardyń shetelmen jasasqan saýda kelisimsharttarynda otandyq ónimniń saýdalanýyn baqylaıtyn bolady.
Sonymen qatar, qaýly jumys kúshine de ózgerister engizbek. Naqtyraq aıtar bolsaq, AQSh-qa shetelden jumys kúshiniń aǵylýyn retteý men jergilikti kásiporyndarda amerıkalyqtardyń birinshi kezekte jumyspen qamtylýy qarastyrylǵan.
Osy qujat negizinde eldiń eńbek mınıstrligi, ádilet mınıstrligi, ulttyq qaýipsizdik mınıstrligi men syrtqy ister vedomstvosy eldiń kóshi-qon saıasatyndaǵy kemshilikterdiń aldyn alyp, amerıkalyq jumyskerlerdiń múddesin qorǵamaq. Osy maqsatta vedomstvolar shetelden keletin jumys kúshine qoıylatyn talapty kúsheıtip, tek joǵary bilikti mamandarǵa ǵana ruqsat bermek.
Daıyndaǵan Baýyrjan Muqanov
"Egemen Qazaqstan"