22-23 sáýir kúnderi «Alataý» SK avtoturaq aımaǵynda Jambyl oblysynyń aýyl sharýashylyq jármeńkesi ótedi.
Elordadaǵy dástúrli aımaqtyq aýyl sharýashylyq jármeńkeleriniń maýsymyn Jambyl oblysy ashady. Shara barysynda 156 mln teńgeniń 203,1 tonna ónimi usynylmaq, sonyń ishinde jylqy, qus eti, sút ónimderi, qant, bal, balyq ónimderi naryq baǵasynan 10-15% paıyzǵa arzan satylady.
Sondaı-aq, konserttik baǵdarlama uıymdastyrylyp, oblystyń shyǵarmashylyq ujymdary óner kórsetedi. Dástúrli aýyl sharýashylyq jármeńkeleri qalanyń ishki naryǵynda baǵany turaqtandyrýǵa jáne otandyq ónimdermen toltyrý úshin aı saıyn ótedi.