Prezıdent halyqpen oılasý nıetimen ortamyzǵa oı tastap otyr. Shyǵarmashylyq baǵyttaǵy zııaly qaýym ókilderi úshin Elbasymyzdyń bul maqalasynyń mańyzy óte zor. Máni óte kúrdeli. Tilimizdi órkendeteıik, dástúrmen baılanysqan dinimizdi qadirleıik, qala men dalanyń arasyn jaqyndataıyq – Nursultan Ábishuly el tizginin qolyna ustaǵaly osy áńgimeni aıtyp keledi.
T.Júrgenov atyndaǵy Ulttyq óner akademııasynda 40 shaqty stýdentim bar. Maqala basylǵan gazetti qoldaryna ustatyp turyp: «Úsh kún ýaqyt beremin. Úsh kúnnen keıin árbir tarmaǵy boıynsha taldamaly oılaryńdy aıtyp, maǵan synaq tapsyrasyńdar», dep tapsyrma berdim. О́ıtkeni, maqalada aıtylǵan árbir oı eń aldymen jastarǵa kerek. Keleshek – jastarda. Tildi de, dindi de, dildi de, ónerdi de bolashaqqa jalǵaıtyn jastar. Prezıdent belgilep bergen mindetterdiń ishindegi eń kúrdelisi til bolyp tur. Orys mektebinde oqıtyn myńdaǵan qazaq balalary bar. Latyn álipbıi qazaqtarǵa ǵana qatysty bolsa, onda ol balalardyń keleshegi qalaı bolmaq? Ekeýin qalaı úılestiremiz? Maqalada osy sııaqty óte tereń oımen qaraýdy qajet etetin názik tustar bar. Bul saıasatty iske asyrýdy qolǵa alǵan ekenbiz, endeshe, túıindi tustaryn sheshýde batyldyq tanytýymyz kerek.
Asanáli ÁShIMOV,
KSRO halyq artısi, Qazaqstan jáne
KSRO Memlekettik syılyqtarynyń laýreaty