Arnaıy basseıinderde jiberilgen balyq Reseıden ákelingen. Búginde 100 myńǵa jýyq shabaǵy bar sharýashylyqta balyqtarǵa qajetti jaǵdaılardyń barlyǵy jasalǵan. Máselen, olarǵa arnaıy jem daıyndalyp, qorektendiledi. Sonymen qatar, sýdyń temperatýrasyn birqalypty saqtaý úshin basseıinderge arnaıy jylý júıesi ornatylǵan.
Arnaıy kútip baptalyp ósirilgen bir balyqtyń ózi 120 kelige deıin et beredi. Jersinbeı ósip kele jatqan Afrıka jaıynyn Tóle bı aýdany men Túrkistan, Shymkent qalasynyń turǵyndary suranys bildirip, satyp alǵan. Sharýashylyqtyń negizgi maqsaty shabaqtardy qoldan kóbeıtip, oblys halqyn erekshe balyq etimen qamtamasyz etý.
Sharýashylyq ıesiniń aıtýynsha, som jaıly málimetti ınternetten oqyp, tipti Reseı balyqshylarynan tájirıbe almasqan. Aldaǵy ýaqytta sharýashylyq memleketten beriletin nesıege qol jetkizip, sharýashylyq jumysyn ary qaraı damytýdy josparlap otyr.
Jalpy Túlkibas aýdanynda buryndary teńizdiń ashy sýynda ósetin bekire men forel balyqtaryn ósirse, endi mine afrıkalyq som ósirýdi qolǵa alyp otyr.