Festıvaldiń maqsaty – túrkitildes ulttar arasyndaǵy baýyrlastyq baılanystar men dostyqty nyǵaıtý, túrkilik mádenıet pen ónerdi urpaqtan urpaqqa jetkizý, kásibı teatrlardyń ónerin nasıhattaý, túrki álemi teatrlarynyń basshylary keńesiniń májilisin ótkizý, ózara is-tájirıbe almasý jáne tyǵyz qarym-qatynasta bolýyna yqpal etý.
Q.A. Iаsaýı atyndaǵy HQTÝ-niń mádenı ortalyǵynda ótken festıvaldiń ashylý saltanatynda oblys ákiminiń orynbasary Ulasbek Sádibekov sóz sóılep, sharanyń mańyzdylyǵyna toqtaldy.
«Qazaq dalasyna kenjelep kelgen teatr óneriniń bastaýynda turǵan Jumat Shanınniń «Teatr – ulttyń aınasy, teatr – ıdeologııalyq qural!» - degen ónegeli sózi shynaıylyǵyn dáleldep keledi. «Túrkistan – Túrki áleminiń mádenı astanasy» jylynyń aıasynda túrki ulystaryn biriktirýde, rýhymyzdy asqaqtatýda mádenıet pen óner altyn kópirge aınalýda. Búgingi ótkizilip otyrǵan Túrki áleminiń teatr festıvali osynyń aıǵaǵy», – dedi oblys ákiminiń orynbasary.
«Teatry kóktemi-2017» festıvalin J.Aımaýytov atyndaǵy Pavlodar oblystyq qazaq mýzyka drama teatry J.Shanınniń «Arqalyq batyr» tarıhı dramasymen ashsa, R.Seıtmetov atyndaǵy Túrkistan sazdy-drama teatry G.Hýgaevtyń «Qara shekpen» ápsanasyn sahnalady.
Úsh kúnge sozylatyn teatrlar baıqaýy 21 sáýirge deıin oblystyq teatr sahnalarynda qoıylyp, jeńimpazdar anyqtalatyn bolady. Halyqaralyq sharanyń jabylý saltanaty J.Shanın atyndaǵy akademııalyq qazaq drama teatrynda ótedi.
Túrki elderi teatrlary arasyndaǵy festıvalǵa Ońtústik Qazaqstan oblysynyń 5 teatry, Astana qalasynyń Jastar teatry, Pavlodar oblysy jáne Qyrǵyzstan, О́zbekstan elderiniń sahna sańlaqtary, jalpy sany 9 ujymnan 300-den asa ártis qatysýda.
Aıta keteıik, óner maıtalmandarynyń ózara jarysyna О́nertaný ǵylymdarynyń kandıdaty, teatr synshysy, Ǵ.Músirepov atyndaǵy memlekettik akademııalyq balalar men jasóspirimder teatrynyń kórkemdik jetekshisi Erkin Jýasbek, ádebıetshi, synshy, professor Q.A.Iаsaýı atyndaǵy HQTÝ-i janyndaǵy Túrkologııa ǵylymı-zertteý ınstıtýtynyń dırektory Qulbek Ergóbek, QR Mádenıet jáne sport mınıstrligi Kınematografııa jáne teatr óneri basqarmasynyń bas sarapshysy, QR «Mádenıet salasynyń úzdigi» Gúlnafıs Myrzasheva, Túrkııa memleketinen Adana qalalyq teatrynyń kórkemdik jetekshisi, «Altyn koza» kınofestıvaliniń bas dırektory Ismaıl Dıkılıtash, QR Mádenıet qaıratkeri, pedagogıka ǵylymdarynyń kandıdaty, M.Áýezov atyndaǵy ýnıversıtetiniń professory Násipqanym Kamalovalar qazylyq etip jatyr.