Qarym-qatynastar jaıy sóz boldy

Kezdesý barysynda eki eldiń saýda-ekonomıkalyq, ǵy­­ly­­mı-tehnıkalyq, qarjy, ener­­­getıka, mádenı-gýmanı­tar­­­lyq sala­lardaǵy ózara is-qı­­myl máse­leleri, birlesken iri jo­balar­­dy josparlaý men uzaq mer­­zimdi baǵdarlamalardy ázir­leýdi qosa alǵan­da, kóliktik-tran­zıttik jáne ınfra­qury­lym­dyq ózara is-áreket sala­laryn­daǵy máseleleri talqylandy.

Qazirgi tańda Qazaqstan men Qytaı arasynda qazaqstandyq «Nurly jol» ulttyq ekonomı­kalyq baǵdarlamasy men Qytaı­dyń «Jibek jolynyń ekono­mıkalyq beldeýi» bastama­syn túıindestirý boıynsha Yntymaqtastyq josparyn iske asyrý jumystary belsendi túrde júrgizilýde. Josparǵa Qazaqstan Prezıdenti N.Nazarbaevtyń QHR Tóraǵasy Sı Szınpınmen kelissóz júrgizýiniń qorytyn­dysy boıynsha 2016 jylǵy 2 qyrkúıekte Hanchjoýda qol qoıylǵan bolatyn.

Kezdesý barysynda aýyl sharýa­shylyǵy salasyndaǵy, qazaq­­standyq sharýalardyń ónim­derin Qytaı naryqtaryna eks­porttaýdy ilgeriletýdegi yn­ty­maq­tastyq keleshegine basa nazar aý­daryldy. Sonymen qatar, sý qaty­nastary, transshekaralyq ózenderdi paıdalaný men qorǵaý máseleleri qaraldy.