Akademık Keńes Nurpeıisulynyń zaly ashyldy

Osy ıgilikti istiń aldynda Alash partııasy men Alashorda úki­metiniń 100 jyldyǵyna ar­nal­ǵan «Keńes Nurpeıisulynyń Alash tarıhyna qosqan úlesi» at­ty ǵylymı-praktıkalyq konfe­rensııa bo­lyp, alǵashqy sózdi Memleket ta­rıhy ınstıtýtynyń dırektory, pro­fessor Búrkitbaı Aıaǵan alyp, ǵa­lymnyń ult tarıhyna qosqan úlesin tarata aıtyp, ózi bastaǵan shákirtterin de eske saldy. El­ba­sy Nursultan Nazarbaevtyń «B­olashaqqa baǵdar: rýhanı jań­­ǵyrý» atty maqalasyndaǵy ha­lyq­tyq ıdeıalarǵa toqtaldy. 

Akademık Bolat Kómekov bul shara qazaq ǵylymyna, onyń ishinde tarıhshylarǵa kórsetilgen qurmet ekenin, alashtaný ǵylymynyń ne­gizin salǵan ǵalymnyń ekinshi ómiri bas­talǵanyn, ol eldiń rámizi – er­kin­dik dep bilgenin, qaı eńbeginde de dereksiz sóılemeıtinin tilge

tı­ek etip, jarty ǵasyr birge qyzmet et­kenin, rýhynyń tazalyǵy sonsha, bar qazaqty ózine sanaǵanyn, men ómirden ozǵanda arýlap aqqa oraı­tyndar Bolat pen Karl (Baıpaqov) bolsyn dep ketkenin tolqı turyp eske túsirdi. Ol sonymen qatar, Qazaqstan tarıhynyń 5 tomdyǵyn shyǵarý tusynda 4-tomyna jete­k-

­shilik jasaǵanyn, alashtanýdy aı­nalymǵa qosqanyn, Elbasynyń sońǵy maqalasyndaǵy 100 tulǵanyń qatarynan oryn alatyn azamat ekenin jetkizdi.

Qoǵam qaıratkerleri, profes­sorlar Ádil Ahmetov adamı qa­sı­e­tterin, kishiligi men kisiligin úl­gi etse, Kamal Burhanov birinshi alashtanýshy dep, klassıkalyq akademıktiń úlgisi, tipti etalony Keńes Nurpeıisuly degen baıla­myn ortaǵa salyp, qazir aka­de­mıkterdiń kóbeıip ketkenin de atady. Shynyn­da, ǵylymǵa kim­niń qandaı úles qos­qanyn ýaqyt anyq­tar, áıtse de el bil­meıtin aka­demııanyń akademıkteri men shıki «chlenkorlary» qaptap ket­keni ras. Akademık Ǵarıfolla Esim Elbasynyń maqalasy týraly jan-jaqty oı terbeı kelip, ultymyzǵa uıysatyn, birigetin kez­diń kelgenin, rýhanı zaly ashylyp otyrǵan shyn zııalynyń myqty qa­zaq bolǵanyn, ol zerttegen Alash ta­rıhyn jan-jaqty bilý bárimizge syn bolyp turǵanyn atasa, jazýshy Shárbaný Beısenova naǵyz sanasy oıaý, óresi bıik ǵalymnyń ba­sylymdarǵa maqala jazýdaǵy saý­attylyǵy men ónegesinen dá-

ı­ek­­­ter keltirdi. Professorlar Qa­zy­­bekbı Búıtekuly qunarly jer­­den shyqqan azamattyń tek tamyryna toqtalsa, Qadyr Ahmetov qazaq tilin tarıh ǵylymynda ǵylym tiline aınaldyrǵan birden-bir tulǵa Keńes Nurpeıisuly degen baılamyn nazarǵa saldy.

Al akademıktiń rýhanı mu­ra­syn kóziniń qarashyǵyndaı saq­­tap, Ulttyq kitaphanaǵa tap­­sy­ryp otyrǵan professor Tal­dy­bek Nurpeıis ákesiniń bú­kil ómir jolyna barlaý jasap, Alash­ty zertteýine Baýyrjan Mo­myshulynyń oı salǵanyna dálelder keltirdi. Qas batyr «Sen halyq jaýynyń balasy ekensiń, biraq onyń aqıqaty Allaǵa ǵana aıan, partııa men sovet tarıhyn akademık Aqaı Núsipbekov ekeýiń jazyp bolǵan shyǵarsyńdar. Endi Alash tarıhyna barýlaryń kerek, ult aqıqaty sonda jatyr!» dep Álıhan, Ahmet, Mirjaqyp týraly az-kem málimet beripti.

Ǵylymı zaldyń ashylý rá­si­minen keıin de akademıktiń shá­­kirtteri J.Qýanyshev, Z.Dú­ken­ba­eva, Q.Erkinbekova, Q.Eńsenov ustazdarynyń qamqor­ly­ǵynan, kórgen sharapattarynan mysaldar keltirse, magıstrant E.Toqtarbaı ǵalymnyń rýhanı dúnıesiniń Astanaǵa kelýi jastar úshin tıimdi ekenin jetkizdi. Ádemi isti Ulttyq kitaphananyń dırektory Úmithan Muńalbaeva qorytyp, osyndaı jaqsy iske jol ashqan Mádenıet jáne sport mınıstrligine, tilektes barlyq azamattarǵa shyn nıetten alǵysyn bildirdi.

Súleımen MÁMET, «Egemen Qazaqstan»

Sýretti túsirgen Orynbaı Balmurat, «Egemen Qazaqstan»