Ońtústik Qazaqstan oblysy Sozaq aýdanynda balyq sharýashylyǵyn damytý isi qolǵa alyndy.
«Sozaq balyq ónimderi» koorperatıvi Qumkent aýyl okrýgindegi Qyzylkól kóline 30 myń sazan shabaqtaryn jiberdi. Munan bólek, Aqqoltyq eldi mekenindegi Úshtóbe sý qoımasyna jeke kásipker J.Nurpeısova 30 myń dana sazan shabaqtaryn saldy.
Shabaqtar Taraz qalasyndaǵy qoldan balyq ósirý sharýashylyǵynan jetkizilgen. Kásipker balyqtardyń kútip-baptaýyna erekshe kóńil bólinip, jiti qadaǵalaýda bolatynyn aıtady.
«KAZ.GOLD.FISH» dırektory Dinmuhammed Qojahmettiń aıtýynsha, aldaǵy aptada aýdandaǵy 8 shaǵyn kóldi balyqtandyrý josparlanyp otyr.
Aıta keteıik, oblysta búginde 3 balyq óńdeý zaýyty men 28 balyq sharýa qojalyǵy bar. Bul kásiporyndarda jylyna 6 myń tonnaǵa deıin balyq óńdeledi.