Dúrligýge negiz joq

Onyń bastamasy ózge ká­sip­ker­ler tarapynan qoldaý tapty. Ar­da­ger­ler keńesi, «Qyzyl Jarty Aı» qo­ǵamy da qolushyn berýge ázir. Sóı­tip, búginde sý tasqynynan óte-mó­te qıyndyq kórgen otbasylaryna qaı­yrymdylyq jasaý maqsatymen ar­naıy esepshottar men pýnktter ashyla bastady. Jınalǵan qarajat pen qurylys zattary, turmystyq buı­ymdar Rýzaev aýyldyq ok­rý­­giniń turǵyndaryna tabys eti­le­di. Novoıshım aýylyndaǵy «Balıskıı» JK qurylys alańynda ma­terıaldyq kómekterdi saqtaýǵa já­ne úlestirýge arnalǵan eki pýnkt qu­ryldy. 

Sý tasqynyna dýshar bolǵan «Bogatyrev» seriktestiginiń jetek­shi­si Alıhan Barahaevtyń kúpti kóńili ornyna túsip, úreı ýaıymnan arylǵan syńaıly. Jergilikti bılik oryn­dary kelgen zalaldy ótep, kók­temgi egis naýqanyn talapqa saı ót­kizýine ýáde bergen. Sol sı­ıaq­ty Mak­sım Rýdenko, Sergeı Sı­ne­l­nık sekildi turǵyndar da óte­ma­qy­dan úmitti.

Tótenshe jaǵdaılar jónindegi departament mamandarynyń sóz­d­e­r­ine qaraǵanda, taıaý kún­der­diń ishinde Esil ózeni arnasynan asa­dy dep kútilýde. Petropavl sý to­­rabynyń jetekshisi Qaırat Mu­ha­­­madıev sý deńgeıi bir qa­lyp­ta us­­talyp turǵanyn, tas­qyn­ǵa qar­sy qu­rylǵan komıssııa shu­ǵyl at­qa­ra­tyn sharalardy naq­ty­la­ǵa­nyn jet­kizdi.

Aımaq basshysy Qumar Aq­sa­q­alov jaǵdaıdy tikeleı óz ba­qy­laý­yna alyp, kómek sharalaryn, shy­ǵyn­dy esepteý jumystaryn jedel júz­ege asyrýǵa, qaýip-qaterdiń aldyn alýǵa, týyndaı qalǵan jaǵdaıda bar­lyq kúshti jumyldyrýǵa naqty tap­syrmalar berdi. Selektorlyq jıynda sý shaıǵan aýmaqtar men qatty zardap kórgen adamdarǵa jan-jaqty qoldaý jasalatynyn, dúrligýge eshqandaı negiz joqtyǵyn qadap aıtty.

О́mir ESQALI,

«Egemen Qazaqstan»

Soltústik Qazaqstan oblysy