Ahýal alańdatarlyqtaı emes

Semeıdiń Jıenáli aýyldyq okrýgine qarasty 43-shi shaqy­ry­mynda erigen qar sýy tas jol­dyń astyndaǵy sý ótetin ót­keldi buzyp ketken. Jol da ári-beri júrýge jaramsyz bolyp tur. Qazir oqıǵa ornynda qalpyna keltirý jumystary atqarylyp jatyr. Semeıdiń Zaton bóligindegi keptelgen muzdardyń bóligi Ertis boıymen Shyǵys Qazaqstannan syrtqary aǵyp ketkendikten, qazirde qaýip seıildi. Semeıge irgeles Besqaraǵaı aýdanyna qarasty birneshe aýyl dál osy Ertis jaǵasynda ornalasqan.

Bul tusta erigen qar sýy men ústi-ústine quıyla jaýǵan jań­­byr aýdan mańyndaǵy eki sha­ǵyn ózendi jáne jerasty sýlaryn ta­sytyp jiberdi. Soǵan oraı, aý­yl­da 9 úı, 10 aýlaǵa sý kirip, 20 adam qutqaryldy. Aýdan ákimi­niń mindetin atqarýshy Er­bolat Rahmetýllınniń aıtý­yn­sha búginde jedel shtab qu­rylyp, olar kúndiz-túni jumystar atqarýda. Qosymsha 40-50 adam kómekke kelip, 8 tehnıka jumyldyrylyp, sý basqan jerler tazartylǵan. Qaý­ipti tustarǵa 6 myń tonna ınertti ma­terıaldar tógilipti. Ázir­ge táý­lik boıy júrgizilip jat­­qan ju­mys­tar men saqtyq sha­ra­­laryna oraı Birlik, Jetijar aýyldary sý tasqynynan aman.

Ertistiń jaǵasyndaǵy 500 turǵyny bar Krıvınka aýylyn tasqynnan saqtap qalý úshin ózenniń muzyn jarý jumystary shuǵyl túrde qolǵa alyndy. Semeıdegi Tótenshe jaǵ­daı­lar basqarmasy men «Shy­ǵys­­ja­ry­lysónerkásip» me­­­ke­me­le­ri­nen kelgen 16 maman 600 kılo­gram­nan astam jarylǵysh zatty qa­lyńdyǵy 60 santımetrlik muzǵa qoı­ypty. Al 130 úıge eskertý pa­­raqshalary taratylǵan.

Ertis boıynda jaǵdaı ázirshe birqalypty.

Raýshan NUǴMANBEKOVA, 

jýrnalıst

SEMEI