Qala ákimi Baýyrjan Baıbek forým barysynda Almatynyń elimizdiń qarjy-ekonomıkalyq jáne mádenı-bilim ortalyǵy ekenin, Orta Azııa óńiriniń ekonomıkasynda mańyzdy oryn alatynyn atap ótti.
«Almaty qalasy Qytaıǵa, EAEO-ǵa jáne Orta Azııaǵa saýda jolyn ashady. Biz 86 taýarlyq qaǵıdany anyqtadyq, onyń basym kópshiligin ımport quraıdy, sol arqyly biz jańa óndirister ashamyz. Almaty – Uly Jibek Joly boıyndaǵy bolashaǵy zor qala, sondyqtan oǵan ınvestısııa bólý óte tıimdi», – dedi B.Baıbek.
Qala ákimi buǵan mysal retinde bolat ónimderin shyǵaratyn elimizdegi alǵashqy japondyq «Tokyo Rope Almaty» zaýytynyń iske qosylýy ekijaqty yntymaqtastyqtyń nátıjesi ekendigin aıtty. Qazaqstanda mundaı zaýyttyń ashylýy ónimniń ózindik qunyn Japonııadaǵydan 40% -ǵa tómendetti.
О́z kezeginde Sıngapýr Respýbıýlıkasynyń densaýlyq saqtaý, kommýnıkasııa men aqparat jónindegi memlekettik mınıstri Chı Hýn Tat ınvestısııa quıý úshin Sıngapýr delegasııasy Qazaqstannyń tranzıtti jáne kóliktik áleýetin saralaıtynyn aıtty.
«Biz Qazaqstandy Orta Azııa men Eýrazııalyq ekonomıkalyq odaq elderi naryǵyna jol ashatyn mańyzdy hab retinde kóremiz. Eki eldiń ózara yntymaqtastyǵy aıasynda jaqsy múmkindikterge qol jetkizýge bolady», – dep atap ótti Chı Hýn Tat.
«Sıngapýrde jumys istegisi keletin kez-kelgen bıznesmen aldyna orasan josparlar men reformalardy qoıyp otyrǵan Qazaqstannyń zor mańyzy men mánin jaqsy bilýi tıis. Osynyń barlyǵy sizderdi Uly Jibek Joly men EAEO-ny damytý barysynda zor jetistikterge jetkizetinine senimdimin. Biz úshin Qazaqstan osy óńirde bıznespen aınalysýdyń mańyzdy áriptesi bolyp tabylady», – dedi Sıngapýr Respýblıkasynyń saýda, ındýstrııa jáne ulttyq damý memlekettik mınıstri.
Dál osy kúni sheteldik ınvestısııalardy tartýǵa, jańa tehnologııalardy engýzige, qazaqstandyq taýarlardy ótkizýge yqpal etip, keń jol ashatyn «Almaty» ÁKK-nyń Qazaqstandyq – Azııalyq – Tnynyqmuhıttyq palataǵa enýi týraly Kelisimge qol qoıyldy.