Bilimdi ult qana tabysqa jetedi

«Men elimiz myqty, ári jaýap­kershiligi joǵary Birtutas ult bolýy úshin bolashaqqa qalaı qadam basatynymyz já­ne buqara­lyq sanany qalaı óz­ger­tetinimiz týra­ly kózqaras­tarymdy ortaǵa salý­dy jón kórdim», – dep bastalǵan Elbasynyń sózi tutastaı elimiz­diń ǵana emes, urpaqtary­nyń erteńi úshin alańdaıtyn kez kel­gen otandasymyzdy eleń et­kiz­beı qoımasy anyq. Oqyp shyqtyq, shynynda da, ta­la­ıy­myzǵa oı salatyn kózqarastar aıtylǵan eken. Ásirese, El­basy­nyń el damýyn, jańǵyrý ataý­ly­ny ulttyq sanamen, ult­tyq múd­de­lermen tyǵyz baı­lanystyrý qajettigin aıtqany qatty unady. «Jańǵyrý ataýly burynǵydaı tarıhı tájirıbe men ulttyq dás­túrlerge shekeden qaramaýǵa tıis. Kerisinshe, zama­na synynan súrinbeı ótken ozyq dástúrlerdi tabys­ty jań­­ǵyrýdyń mańyzdy alǵy­shart­taryna aınaldyra bilý qajet. Eger jańǵyrý eldiń ult­tyq-rýhanı tamyrynan nár ala almasa, ol adasýǵa bastaıdy. Men halqymnyń taǵylymy mol tarıhy men  yqylym zamannan arqaýy úzilmegen ulttyq salt-dástúrlerin aldaǵy órkendeýdiń berik dińi ete otyryp, árbir qadamyn nyq basýyn, bolashaqqa senim­men bet alýyn qalaımyn», deıdi Prezıdent. Naǵyz ult kele­shegin oılaǵan Tulǵanyń sózi.

Biz, Elbasy taýyp aıtqandaı, Ulttyq biregeılikti saqtaı otyryp, alǵa umtylýymyz kerek. «Dástúrdiń ozyǵy bar, tozyǵy bar» degen sóz bar halqymyzda. Kez kelgen ulttyń salt-sana, ádet-ǵurpynda saqtap, odan ári damy­­tatyn ádemi tustar, zaman­nyń aǵymyna qaraı eskirip, en­digide paıdasynan zııany kóp bola­tyn kertartpa tus­tar bar. Iаǵ­nı, jaqsysyn alyp, jama­ny­­nan arylǵanymyz abzal. Jań­ǵyrý uǵymynyń ózi meılin­­she kónergen, jahandyq álemmen qabyspaıtyn keıbir daǵdylar men ádetterden arylý degendi bildiredi.

Elbasy qaı sózinde de bilim má­se­lesin aýzynan tastamaıdy. Bul ol kisiniń keleshektiń qa­myn, elimizdiń álemdegi aby­roıyn oılaǵanynan ekeni daý­syz. «Bilimniń saltanaty jal­pyǵa ortaq bolýǵa tıis. Onyń aıqyn da, bultartpas sebep­teri bar. Tehnologııalyq revol­ıý­sııa­nyń betalysyna qarasaq, taıaý on­jyl­dyq ýaqytta qazir­gi kásip­terdiń jartysy joıy­lyp kete­di. Ekonomıkanyń kásip­tik sı­pa­ty buryn-sońdy esh­bir dáýir­de munshama jedel ózger­megen. Biz búgingi jańa ataýly er­teń-aq eskige aınalatyn, júrisi jyldam dáýirge aıaq bas­tyq. Bul jaǵdaıda kásibin ne­ǵur­lym qınalmaı, jeńil óz­gertýge qabi­letti, asa bilimdar adam­dar ǵana tabysqa jetedi», deıdi Elb­a­sy. Ásirese, bilim berý sala­syn­daǵy mamandar men ós­ke­­leń urpaq, mine, osy máse­leni jaq­sy túsinýimiz kerek. Qazir­gideı zamanda bárinen de bilimdi joǵa­ry qoıatyn ult qana tabysqa jetedi.

Elbasy maqalasyndaǵy sana­nyń ashyqtyǵy, latyn álipbıine kóshý jaıly máseleler men «Ja­ńa gýmanıtarlyq bilim. Qazaq tilindegi 100 jańa oqýlyq» joba­sy, «Týǵan jer» baǵdarla­masy tý­raly usynystar da kóptiń kó­ke­ıinde júrgen jaıttar edi.

«Eki dáýir túıisken ólara shaqta Qazaqstanǵa túbegeıli jań­­ǵyrý jáne jańa ıdeıalar ar­qy­ly bolashaǵyn baıandy ete túsý­diń teńdessiz tarıhı múmkin­digi berilip otyr. Jańa jaǵdaıda jań­ǵyrýǵa degen ishki umtylys – bizdiń damýymyzdyń eń basty qaǵıdasy. О́mir súrý úshin ózgere bilý kerek», dep túıgen eken sózin Nursultan Ábishuly. О́te qup­tar­lyq, abyz adamnyń dýaly aýzy­nan shyqqan áńgime.

Bekzat ALTYNBEKOV,

Jezqazǵan qalalyq Qoǵamdyq kelisim keńesiniń tóraǵasy, qalalyq máslıhat depýtaty

JEZQAZǴAN