О́ńir basshysy Danıal Ahmetov oblys ákimdiginde ótken jıyndardyń birinde bıýdjetti ıgergen aýdandarǵa syıaqy berý jóninde usynys aıtty.
Munyń sebebi belgili. Respýblıkalyq bıýdjetten bólingen aqshany der kezinde ıgermeı, bul máselege júrdim-bardym qaraıtyn aýdandar kóp. Budan bylaı bıýdjet qarjysyn kestege saı ıgergen aýdandardy yntalandyrý maqsatynda toqsan saıyn oblys bıýdjetinen demeýqarjy bólinetin bolady. Jáne bul qarajat aýdannyń nemese qalanyń áleýmettik máselelerin sheshýge baǵyttalmaq.
«Ár toqsan saıyn aýdan, qalalardyń memlekettik baǵdarlama aıasynda bólingen qarjyny kestege saı ıgerýin saraptap, 100 paıyzdyq kórsetkishke ıe bolǵandaryn yntalandyrý qajet. Ol qarjyny ákimder jergilikti áleýmettik máselelerdi sheshýge jumsaıtyn bolady», – dedi D.Ahmetov.
Azamat QASYM,
«Egemen Qazaqstan»
О́SKEMEN