Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn júzege asyrý aıasynda Aqtóbe oblysynda 4,8 mlrd-tan asa teńge bólindi.
Sonyń aıasynda eńbek naryǵynda suranysqa ıe mamandyqtar men kásipkerliktiń negizderine oqytatyn azamattardy jappaı oqytý uıymdaryn, tehnıkalyq jáne kásiptik bilimi bar kadrlardy qaıta daıarlaý sharalary qabyldanýda.
Aıta keteıik, jumyspen qamtý ortalyqtary neǵurlym suranysqa ıe 36 mamandyqtyń tizimin jasady. Mobıldi oqý ortalyqtaryn ashý shalǵaı aýdandardaǵy turǵyndardyń kásibı bilim alýlaryna múmkindik berdi. Oqýdy aıaqtaǵandardyń jumysqa ornalasýlaryna kómek kórsetiledi. Sonymen qatar, «Bastaý Bıznes» jobasy, áleýmettik jumys oryndaryn uıymdastyrý jumystary, ınfraqurylymdy damytý men TKSh esebinen jumysqa ornalastyrý boıynsha kásipkerlik negizderine oqytý júrgizilýde, qala men aýylda shaǵyn nesıe berýdi keńeıtý qarastyrylǵan.
Bıyl nátıjeli jumyspen qamtý jáne jappaı kásipkerlikti damytý baǵdarlamasymen 5 myń adam qamtylatyn bolady dep josparlanýda, alaıda qatysýshylar sanynyń ósý múmkindigine shek qoıylmaǵan.
Jumyspen qamtý máselesin tıimdi sheshý úshin Eńbek jáne áleýmettik qorǵaý mınıstrligimen birge barlyq 148 aýyldyq okrýgter men aýdandyń mańyzy bar qalalarda «E-Halyq» aqparattyq júıesi engizilýde. 20 sáýirdegi málimet boıynsha, aqparattyq júıege 478 myń adam, ıaǵnı halyqtyń jalpy sanynyń 57 % -y týraly málimet engizildi.