Keshe Qytaıdyń CCTV ortalyq telearnasy «Dımash - bir beldeý, bir joldyń mýzykalyq elshisi» atty arnaıy habar taratty, dep habarlaıdy QazAqparat.
5 mınýtqa sozylǵan habarda, Dımashtyń týǵan jeri, shyǵarmashylyq joly, jetistikteri sóz boldy. Sonymen qatar, Dımashtyń óneri týraly belgili mýzykatanýshylardyń pikiri berilgen.
«Shynymen ǵajaıyp, eshbir tehnıkasyz adamdyń kómeıinde osyndaı daýys bolatynyn birinshi ret kórip turmyn. Mýzykanyń qudireti osynda, ol tilge, shekaraǵa bólinbeıdi», - deıdi qytaılyq belgili mýzykatanýshy Sýń Hy.
«Kúlli álemge qazaqtyń ánin, elin tanytqym keledi. Qazaqstan men Qytaıdyń yntymaǵy nyǵaıa túskenin qalaımyn», - deıdi telearnaǵa bergen suhbatynda Dımash Qudaıbergen.