Qatarmen qarym-qatynasymyz qalypty

Kezdesý barysynda Q.Ábdi­rax­­manov Islam álemi men onyń syrtynda ǵylym men tex­no­logııalar salasyn da­my­tý­da­ǵy Qatardyń úlesin aı­ta ke­le, Qazaqstannyń elorda­synda 2017 jylǵy 10-11 qyr­kúı­ek­te ótetin Islam Ynty­maq­­tas­tyǵy Uıymynyń Ǵylym já­ne tex­nologııalar jónindegi sam­mı­tine Prezıdent Nursultan Nazarbaevtyń shaqyrýyn ámirge jetkizdi.

Osy oraıda, «jasyl ekono­mıka» texnologııalaryn damy­tý salasynda Qatardyń jı­na­ǵan oń tájirıbesin eskere otyryp, Halyqaralyq maman­dan­dyrylǵan  EKSPO-2017 kór­mesine Qatar tarapynyń qa­ty­sýǵa daıyndyǵy jóninde sóz qoz­ǵaldy.

Taraptar Qazaqstan-Qatar qa­tynastarynyń jaǵdaıy men perspektıvalaryn talqylap, ekijaqty yntymaqtastyqtyń barlyq baǵyttary boıynsha oń dınamıka baıqalýda ekenin atap ótti.

Suxbattasýshylar xalyq­ara­lyq kún tártibindegi ózekti ta­qyryptardy, sonyń ishinde Sırııadaǵy jaǵdaıdy, Astana prosesiniń damý barysy men qatysýshylar quramyna arab elderin, atap aıtqanda, Qatardy tartý arqyly onyń aýqymyn keńeıtý múmkindikterin qyzy­ǵý­shylyqpen talqylady. Mınıstr ámir­di Qazaqstannyń BUU Qaýip­sizdik Keńesindegi 2017-2018 jyldarǵy músheliginiń negizgi basymdyqtarymen tanystyrdy.

Qazaqstannyń syrtqy saıa-

sat vedomstvosynyń basshysy óziniń qatarlyq áriptesi Muhammed ben Abdrahman ál-Ta­nı­men kelissózder júrgizýi ba­ry­synda ámirdiń Astanaǵa 2014 jyl­ǵy qańtardaǵy sapary men Nursultan Nazarbaevtyń 2015 jyl­ǵy qazandaǵy Dohaǵa sapary ba­rysynda qol jetkizilgen ke­li­simd­erdiń kópshiligi iske asy­ry­lyp, ekijaqty ynty­maq­tas­­tyqta eleýli belsendilik baı­qalatynyn atap ótti.

Suhbattasýshylar terro­rı­z­m­ge qarsy kúres jáne eks­tre­­mıs­tik ıdeologııalardy ta­ra­týǵa qarsy kú­reste ha­lyq­ara­­­lyq kúsh-jigerdi úı­les­tirý jaı­yn talqylap, osy oraı­da syndarly ór­kenıet­ara­lyq ún­qatysýdyń má­ni zor ekenin atap kórsetti. Q.Ábdirahmanov Qatar tarapy­na Álemdik jáne dás­­túrli dinder lıderleriniń se­zin Astanada ótkizýde belsendi qol­daý kórsetkeni úshin alǵysyn bil­dirdi.

Taraptar barlyq, onyń ishin­­de saýda jáne kólik-lo­gı­s­­tı­kalyq baǵyttar boıynsha óza­ra yqpaldastyqty ári qaraı art­tyrýǵa múddelilik ta­nytty. Eko­no­mıkalyq dıplo­ma­tııa baǵyty boı­ynsha eki eldiń syrtqy saıasat ve­domstvo­lary qarjy jáne ın­­ves­tısııalyq salalardaǵy baı­­la­­nystaryn ta­bysty damytyp keledi. Son­daı-aq, bıyl Qazaqstan-Qa­tar komıssııasynyń joǵary deń­geıdegi 5-shi kezekti oty­ry­sy men Astanada 1-shi Qazaqstan-Qatar bıznes-forý­myn ótkizýge daıyndyq ju­mys­­­taryn júrgizýde. Qatardyń Or­ta­­lyq banki «Astana» halyq­ara­lyq qarjy ortalyǵy ara­syndaǵy, onyń ishinde ıslam­dyq qarjylandyrý quraldaryn Qazaqstanǵa endirý boıynsha yn­ty­maqtastyq serpindi da­mý ús­tin­de. Qatar tarapy Qazaqstan­nyń mem­lekettik aktıvterdi je­ke­she­len­dirý baǵdarlamasyna qy­zy­ǵý­shy­lyq bildirdi.

Qatar memleketi Qazaqstanǵa Astana qalasy qurylysynda, atap aıtqanda, «Nur Astana» Is­lam mádenı ortalyǵyn salý ke­­zeńinde mańyzdy qoldaý kór­set­kenin atap ótken jón. Qazirgi ýaqytta Qatar tarapynyń qar­jy­syna Qazaqstan elordasynda or­ta mektep salynýda, sonymen qa­tar, áleýmettik salada birqatar jobalardy júzege asyrý bo-

ıyn­sha daıyndyq jumystary júr­gizilýde.

Sonymen birge, Qatar arab el­deriniń ishinde alǵashqy bolyp Azııadaǵy ózara is-qımyl jáne senim sharalary jónindegi ke­­ńeske jáne Azyq-túlik qaýip­siz­di­gi jónindegi ıslam uıymyna endi.

Q.Ábdirahmanov Dohadaǵy kez­­desýlerinde, sondaı-aq, suh­bat­tasýshylaryn jaqyn­da bol­ǵan Qazaqstannyń kon­s­tı­­tý­sııa­lyq reformalarynyń qo­ry­tyn­dylarymen, «Úshinshi jań­ǵy­rý­­dyń» negizgi aspektileri jáne N.Nazarbaevtyń «Bolashaqqa baǵ­­­dar: rýhanı jańǵyrý» baǵ­dar­­­lamalyq maqalasynyń maz­mu­ny­men tanystyrdy.

Q.Ábdirahmanovtyń óńir el­de­rine týrnesi endi Saýd Ara­bııa­sy jáne Kýveıt elderine jumys sa­parlarymen jalǵasady.