«Usynylyp otyrǵan zań jobasynyń maqsaty – zańnamalyq aktilerdi QR Konstıtýsııasyndaǵy túzetýlerge sáıkes keltirý. Joba QR Prezıdentiniń jarlyǵyn oryndaý maqsatynda ázirlendi. Zańdy Konstıtýsııaǵa sáıkestendirý úshin 7 kodeks pen 46 zańǵa ózgerister engizý qajet. Qylmystyq kodekstiń 21 babynda azamattyqtan aıyrý túrindegi qosymsha qylmystyq jaza kózdeledi», - dedi Úkimet otyrysynda atalǵan zań jobasyn tanystyrǵan Ádilet mınıstri Marat Beketaev.
Onyń aıtýynsha, zań jobasynda terrorıstik top qurý, oǵan basshylyq etý jáne onyń áreketine qatysqany úshin azamattyqtan aıyrý jazasy qarastyrylǵan. "Qylmystyq kodekstiń 21 babynda azamattyqtan aıyrý túrindegi qosymsha qylmystyq jaza kózdeledi. Osylaısha, Qylmystyq kodekstiń 10 babynda kózdelgen 14 asa aýyr terrorıstik qylmys quramdary boıynsha azamattyqtan aıyrý túrindegi qosymsha jaza retinde usynylyp otyr", dedi mınıstr. Sonymen qatar Marat Beketaev memlekettiń qurylymyna qaýip tóndirgen azamattarǵa jaza kúsheıetinin aıtty.
«Ulttyq Qaýipsizdik týraly» zańyna sáıkes negizgi ulttyq múddelerge Konstıtýsııalyq qurylystyń tutastyǵy jatady. Bul uǵymǵa eldiń táýelsizdigi, birtutastyǵy jáne prezıdenttik basqarý nysany kiredi. QR-nyń negizgi ulttyq jáne ómirlik mańyzy bar múddelerine aýyr zııan tıgizetin qylmystarǵa 11 bapta kózdelgen 16 qylmys quramy kiredi. Mysaly, genosıd, seperatıstik áreket, ekstremıstik top qurý, oǵan basshylyq etý nemese onyń áreketine qatysý», - dedi mınıstr.
Sonymen qatar zań jobasyna Prezıdent Ákimshiliginiń prokýratýra júıesi men sot qyzmetine qatysty túzetýler men tolyqtyrýlar engizý týraly usynystar da kirgen.