Aq úıde ótken kezdesýde Erjan Qazyhanov AQSh Prezıdentine Qazaqstan Respýblıkasynyń Prezıdenti Nursultan Nazarbaevtyń quttyqtaý sózi men izgi tilekterin jetkizdi. Kezdesý aıasynda Qazaqstan Elshisi eki el arasyndaǵy strategııalyq seriktestiktiń barlyq baǵyttar boıynsha, sonyń ishinde saıası, saýda-ekonomıkalyq, ınvestısııalyq, quqyqtyq jáne mádenı-gýmanıtarlyq salalarda nyǵaıyp kele jatqanyn atap ótti. О́z kezeginde Donald Tramp Qazaqstannyń táýelsizdik jyldary qol jetkizgen jetistikterin jáne elimizdiń halyqaralyq jáne aımaqtyq qaýipsizdikpen qamtamasyz etýge qosqan úlesin joǵary baǵalady.
AQSh Prezıdenti qazaqstandyq-amerıkalyq qarym-qatynastardy keńeıtýge qyzyǵýshylyq tanytty jáne jaqynda Astanada «EKSPO-2017» halyqaralyq mamandandyrylǵan kórmesin ótkizýge qoldaý bildirdi.