Sýdyń deńgeı sońǵy 23 jyldaǵy kórsetkishten asyp tur, - dep habarlaıdy Tengrinews.kz.
"2017 jyldyń 25 sáýirinde saǵat 09:00-den beri Bylǵary zaýyty yqshamaýdanynda qorǵanys bógetin kóterý men ony nyǵaıtý boıynsha ınjenerlik jumystar júrgizilip jatyr. Bógettiń bıiktigi - 1,5 metr, endi onyń bıiktigin 2,5 metrge deıin kóterý josparlanyp otyr. Injenerlik jumystardy júrgizýge 14 dana tehnıka men 24 adam jumyldyryldy. Jumystar jalǵasyp jatyr", - dedi Soltústik Qazaqstan oblysynyń Tótenshe jaǵdaılar departamenti.
"Sońǵy táýlikterde Esil ózenindegi sý deńgeıi kóterildi. 3 kúnde sý deńgeıi 1 metr 70 santımetrden asty", - dedi SQO ákimi Qumar Aqsaqalov. Sondaı-aq, ol sýdyń Bylǵary zaýyty aýmaǵyna deıin áli de baryp jatqanyn aıtty. Onyń aıtýynsha, búgin sý deńgeıi 50 santımetrge deıin kóteriledi dep boljanyp otyr.