Aýa raıyn boljaý ortalyǵy bıyl Atyraýǵa mol ór sýy kelmeıdi degenimen, jaǵdaı baqylaýda.
Byltyr kóktemgi ór sýy Qurmanǵazy aýdanyndaǵy Danaı, Qarajar ýchaskelerindegi bógetti shaıyp ketken edi. Jaǵalaýdy bekitý jumystaryna oblys qazynasynan 47 mln teńge bólindi. Bıyl osy maqsatqa 37 mln teńge qaralǵan. Oblysta sý tasqyny qaýpin týdyratyn 56 shaqyrymdyq ýchaske bar.
«Atyraý qalasyndaǵy 16 ýchaskeniń tasqyn kezinde sýda qalý qaýpi bar» deıdi oblystyq tótenshe jaǵdaılar departamenti basshysynyń orynbasary Zamır Berdashev. «Oblys aýmaǵynda 1967-1994 jyldary topyraqtan turǵyzylǵan 415,5 shaqyrym qorǵanys bógetteri bar. Olardyń 172,5 shaqyrymy qalpyna keltirýdi qajet etedi. О́ńirdegi barlyq qorǵanys bógetteri men jaǵa bekitý ǵımarattary qala jáne aýdandardaǵy ákimdikterdiń teńgerimine berilgen. О́tken jyly Qurmanǵazy aýdany boıynsha sý tasqynyna qaýipti 28,6 shaqyrym qorǵanys bógetteri jóndeýden ótkizildi. Bıyl Mahambet aýdanyndaǵy Alǵa selosynyń sý tasqynyna qaýipti 2 shaqyrym bógettiń jóndeý jumystaryna qarajat bólindi» - deıdi Z.Berdashev.
Aımaqta sý tasqyny kúrdelengen jaǵdaıda jedel áreket etetin arnaıy top quryldy. Onyń quramynda 3010 adam, 486 dana tehnıka, 29 dana júzý quraldary bar.
Baqytgúl Babash,
«Egemen Qazaqstan».
Atyraý