Petropavldyq erli-zaıyptylar tasqyn sýdyń qaýiptiligi týraly eskertýlerge qaramastan saıajaıǵa baryp, jer kútimimen aınalysqan.
Qaıtar jolda rezeńke qaıyqpen júzip kele jatyp, sýǵa batyp kete jazdaǵan. Qutqarý bólimshesiniń basshysy Sergeı Cherkasovtyń qyraǵyly arqasynda kómek der kezinde jetip, aman qalǵan. Zardap shekkenderdiń júzý quraly sý túbine ketken. Keıin onyń zaqymdanǵany anyqtaldy.
О́kinishtisi sol, sý tasqyny kezeńinde qaýipsizdik sharalaryn qatań saqtaý jaıly qansha eskertilse de, talapqa qulaq aspaýshylar kezdesip qalyp júr. Onyń aqyry qaıǵyly jaıttarǵa soqtyrýy ábden múmkin.
О́mir Esqalı «Egemen Qazaqstan» Soltústik Qazaqstan oblysy.