Sozaq aýdanynda ótken «Túrki besigi – Túrkistan» baıqaýyna eń kóp kitap oqıtyn oqyrmandar shaqyryldy. Bul bastamaǵa Shymkenttegi Y.Altynsarın atyndaǵy oblystyq balalar kitaphanasy men aýdandyq ortalyq kitaphana uıytqy boldy.
«Túrki besigi – Túrkistan» baıqaýy qazaq handyǵy tarıhyn, handary men bıleri rýhyn qurmetteýden týǵan is-shara. Munda 7-15 jas aralyǵyndaǵy balalardyń eń kóp kitap oqıtyny anyqtalyp, olarǵa qoldaý kórsetildi.
«Búkil aýyldyq kitaphanalardan 16 oqyrman qatysyp, jas erekshelikterine qaraı óner kórsetip, suraqtarǵa jaýap berdi. Maqsaty – kitap oqýǵa baýlý, ózimizdiń halqymyzdyń ádebıetin, mádenıetin, tarıhyn nasıhattaý. Baıqaý joǵary deńgeıde ótti», – deıdi Sozaq aýdandyq ortalyq kitaphanasynyń dırektory Zakıra Parimbekova.
Saıys úsh kezeńdi qamtydy.
Bul synda Taýkent kentinen kelgen jas oqyrman Dıdar Ibadýlla bas júldeni enshilep, oblystyq baıqaýǵa joldama aldy.
Baqtııar TAIJAN,
«Egemen Qazaqstan»