QR Prezıdentiniń atap ótýinshe, Assambleıanyń qoǵamdyq kelisim keńesi búginde qoǵam men adamnyń suhbat alańy bolyp otyrǵandyǵyn atap ótti.
«2016 jyly keńes 2 myńnan astam naqty problemany sheshti. Iаǵnı, Assambleıa qarapaıym adamdardyń problemalaryn sheshýde. Meniń tapsyrmammen keńes jergilikti ózin ózi basqarýdy damytýǵa da qatysýda. Muny bizdiń saıası partııamyz «Nur Otanmen» birge júzege asyrý qajet. Din isteri jáne azamattyq qoǵam mınıstrligine oblys ákimdikterimen birlesip, Assambleıanyń barlyq deńgeıdegi qoǵamdyq kelisim keńesteriniń 2017-2018 jyldarǵa arnalǵan dinı ekstremızmge, terrorızmge qarsy is-qımyl josparyn ázirleýdi tapsyramyn. Jurt bárin biledi, eshnárseni jasyrý múmkin emes», - dedi Memleket basshysy.
Elbasy qoǵamdyq kelisim keńesiniń jumysyn reglamentteý qajettigin, onyń naqty jumys krıterııi bolýy tıistigin de basa aıtty.
«Sondyqtan Assambleıa hatshylyǵy Úkimetke bizge ne isteý qajettigi jaıynda sáıkesinshe usynystar engizýi qajet», - dedi N.Nazarbaev.