2017 jyl – Úshinshi jańǵyrýdy iske asyrý qolǵa alynyp, Qazaqstannyń ekonomıkalyq ósýiniń jańa úlgisin jasaǵan jańa dáýirdiń basy boldy.
Konstıtýsııalyq reforma osy mindetterdi sheshýge arnalǵan qoǵamdyq-saıası jaǵdaılardy qalyptastyrdy.
Qoǵamdyq sananyń jańǵyrýy zańdy bolyp tabylady jáne obektıvti túrde qajet, Qazaqstannyń búkil damý strategııasyna tutastyq beredi.
Qoǵamnyń rýhanı jańǵyrýy úzdik dástúrler men ulttyq-mádenı tamyrlarymyzǵa arqa súıeýi kerek.
Básekege qabilettilik, pragmatızm, ulttyq biregeılikti saqtaý búkil Qazaqstan halqyna jáne bizdiń árqaısymyzǵa tán qasıetke aınalýǵa tıis.
Biz bilimge qushtarlyqty qol jetkizer tabystyń eń irgeli faktory retinde ilgeriletetin bolamyz.
Qazaqstan halqy Assambleıasynyń sessııasy tek evolıýsııalyq damý ǵana órkendeýge jol ashatyny týraly ıdeıany qoldaıdy. Bul azamattyq damýdyń qaǵıdatyna jáne ár azamattyń ishki senimine aınalýǵa tıis.
Bul amaldar qoǵamdyq sananyń jańǵyrýynyń negizi bolady.
Qazaqstan halqy Assambleıasy taıaý jyldarǵa arnalǵan kún tártibiniń iske asyrylýyna barynsha belsendi qatysatyn bolady.
Jańarýǵa degen ishki umtylysymyz bizdiń damýymyzdyń túıindi qaǵıdaty retinde bizdiń maqsattarymyzdyń birligin, qundylyqtardyń ortaqtyǵyn jáne qoǵamdyq kelisimniń qýatyn aıqyndaıdy.
Jekelegen adamdardyń emes, tutas halyqtyń básekege qabilettiligin arttyrǵan ult qana tabysqa qol jetkizedi.
Biz qazaqstandyqtardy alǵa qoıylǵan mindetterdi iske asyrýǵa belsene qatysýǵa shaqyramyz.
Biz turaqtylyq, birlik pen kelisim qoǵamnyń ekonomıkalyq, saıası jáne rýhanı jańǵyrý maqsattaryna tabysty qol jetkizýiniń negizi men basty sharty bolatynyna senimdimiz!
Alǵa, Qazaqstan!
Qazaqstan halqy Assambleıasynyń sessııasy,
Astana qalasy, 2017 jylǵy 26 sáýir