Kelisimge Qazaqstan tarapynan Qazaqstan Respýblıkasynyń Qarjy mınıstri Baqyt Sultanov, Irlandııa tarapynan Irlandııanyń Qazaqstanda Tótenshe jáne О́kiletti Elshisi qyzmetin qosa atqarýshy Edrıan Makdeıd qol qoıdy.
Taraptar saýda-ekonomıkalyq salada ózara tıimdi árekettesýge naqty múmkindikterdiń bar ekenin jáne atalǵan Konvensııaǵa qol qoıý iskerlik seriktestikke eleýli serpin beretinin atap ótti.
Sapar aıasynda Elshi E.Makdeıd sondaı-aq QR Syrtqy ister mınıstriniń orynbasary Roman Vasılenkomen kezdesý ótkizdi. Suhbattasýshylar aǵymdaǵy jyl Qazaqstan-ırlandııalyq baılanystarynyń mereıli jyly bolyp tabylatynyn tilge tıek etti. Ústimizdegi jylǵy sáýirde eki el arasynda dıplomatııalyq qarym-qatynastardyń ornaǵanyna 25 jyl tolýyna oraı, eki el syrtqy ister mınıstri Qaırat Ábdirahmanov pen Charlz Flanagan quttyqtaý hattarmen almasty.
О́z hatynda Ch.Flanagan Irlandııa Qazaqstandy BUU Qaýipsizdik keńesi sheńberinde turaqty qoldap otyratynyn quptap, Dýblın Qazaqstannyń ıadrolyq qarýsyzdandyrý men taratpaý, azyq-túlik, sý jáne energetıkalyq qaýipsizdik máseleleri boıynsha is-áreketterin qýattaıtynyn jetkizdi.
«Mundaı áreketter Irlandııanyń BUU-daǵy basymdylyqtarymen úndesedi», - degendi atap ótti Ch.Flanagan.
Suhbattasýshylar 2017 jyly eki el ózara tıimdi jáne jemisti damý baǵdaryn jetildirýdi jalǵastyratynyna senim artty.
R.Vasılenko ırlandyq Elshini mańyzdy kelisimge qol qoıýmen jáne dıplomatııalyq qarym-qatynastardyń mereıtoıymen quttyqtaı kele, Astana Irlandııamen dostyq baılanystardy odan ári keńeıtýge múddeli ekenin jetkizdi.