Elordalyq jolaýshylar kóligi basqarmasynyń málimetterine sáıkes, Astanada zańsyz tasymaldaýshylardyń kólik quraldarynyń tehnıkalyq jaǵdaıy nashar, basym bóligi toqsanynshy jyldardan beri paıdalanylyp keledi.
Tekserý júrgizý barysynda tasymaldaýshylarda kólik quralyna tehnıkalyq baıqaý men azamattyq-quqyqtyq jaýapkershilikti mindetti saqtandyrý bolmaı shyqty, sondaı-aq, qajet ruqsat qujattar men kelisýler de tabylmady. Qoldanystaǵy zańnamanyń talaptaryna sáıkes, ár júrgizýshi mindetti túrde reıs aldynda medısınalyq tekserýden ótýge tıis, bul da kólik qaýipsizdigin qamtamasyz etýdiń basty sharalarynyń biri bolyp tabylady.
QR Investısııalar jáne damý mınıstriniń 2015 jylǵy 26 naýryzdaǵy №349 buıryǵymen bekitilgen Avtokólik kóligimen jolaýshylar men júkterdi tasymaldaý erejelerine sáıkes, avtokólikpen jolaýshylar men júkterdi tasymaldaýǵa Astana qalasynyń Jolaýshylar kóligi basqarmasymen resmı kelisimderge otyrǵan jeke kásipkerler men zańdy tulǵalar jiberiledi.
Al zańsyz tasymaldaýshy atalǵan zańnamanyń normalaryn buzady, Astana qalasynyń ákimdigimen kelisimsiz jumys isteıdi, salyq zańnamasynyń talaptaryna sáıkes salyq tólemeıdi, jolaýshylar aǵyny kóp baǵyttardy tańdaıdy.
Osy oraıda Astana qalasynyń Jolaýshylar kóligi basqarmasy elorda turǵyndary men qonaqtaryn qalaaralyq jolaýshylar tasymalymen aınalysatyn zańsyz tasymaldaýshy júrgizýshilerdiń qyzmetin paıdalaný qaýipti ekenin eskertedi. Sondaı-aq, táýekelder men aýyr saldardy boldyrmaý úshin azamattarǵa júıeli tasymaldaýshylardyń qyzmetin paıdalanyp, bılet satyp alý arqyly «Saparjaı» avtovokzaly arqyly saparǵa shyǵýǵa keńes beredi.