QR Premer-Mınıstri Baqytjan Saǵyntaev eldi mekenderdi sý deńgeıiniń kóterilýinen qorǵaý jóninde keńes ótkizdi, dep habarlaıdy Úkimet basshysynyń resmı saıty.
Keshe Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Memleket basshysynyń eldi mekenderdi kóktemgi kezeńde erigen qar sýy men tasqyn sýlardyń kóterilýinen qorǵaý boıynsha bergen tapsyrmalaryn iske asyrý máseleleri jóninde keńes ótkizdi.
Keńes barysynda erigen qar sýy men tasqyn sýlardy saqtaıtyn sý qoımalarynyń, qorǵanys tasbógetteri men qurylystardyń, apattyq-tasqyndyq sýqashyrtqylardyń qurylysy men qaıta jóndeý jumystary boıynsha, sonymen qatar elimizdiń gıdrometeorologııalyq qyzmetiniń jabdyqtaryn jańǵyrtý boıynsha sharalar kesheni qaraldy.