Otyrysta Banktiń 2014-2018 jylǵy damý josparyn oryndaý barysyndaǵy 2016 jylǵy esebi bekitildi.
2016 jyldyń qortyndysy boıynsha banktiń kredıttik portfeli 49,8 mlrd. teńgege ósip (ósim - 18%), bıylǵy jyldyń basynda 329,3 mlrd. teńgeni qurady. Qazaqstandaǵy barlyq ıpotekanyń 67 prosentin Turǵyn úı qurylys jınaq banki berdi. Sonymen birge, turǵyn úı qurylys jınaq júıesine qatysýshylardyń eldegi ekonomıkalyq belsendi halyqqa shaqqandaǵy úlesi 34 prosentke ósip, 9,55 prosentti quraǵan. Byltyrǵy jyly 292 116 jańa depozıt ashylyp, olarda jınaqtalǵan salym mólsheri 407 mlrd. teńgege jetti. 2016 jyldyń qortyndysy boıynsha, Bank uzaq merzimdi damý strategııasynda aıqyndalǵan barlyq kórsetkishterdi oryndady.
О́z kezeginde, Banktiń Basqarma tóraıymy Lázzat Ibragımova esep-shot ashqanda jáne kelisim-shart somasyn ulǵaıtqanda alynatyn komıssııa somasy 0 teńge bolyp bekitilgennen keıin, jańa kelisim-sharttardyń ashylý qarqyny artqandyǵyn málimdedi. Eger komıssııa jumys istep turǵan 2016 jyly kúnine orta eseppen 900 depozıt ashylyp kelgen bolsa, bıylǵy jyldyń 3 sáýirinen bastap (komıssııa 0 teńge bolyp bekitilgen merzim) kúndelikti ashylatyn jınaq salymdarynyń orta kólemi 2,9 myńǵa jetken. Osy ýaqyttan beri, orta eseppen 50 myń jańa depozıt ashylǵan.
Otyrys barysynda, «О́z úıim» baǵdarlamasyn iske asyrýdaǵy negizgi baǵyttar maquldanyp, Banktiń bıýdjettik oryndalý men tıimdilik kórsetkishteriniń 2016 jyldyń qortyndysy boıynsha esebi bekitildi.
«Qazaqstannyń Turǵyn úı qurylys jınaq banki» AQ «Báıterek» Ulttyq basqarýshy Holdınginiń enshiles uıymy bolyp tabylady.