1 mamyr - Qazaqstan halqynyń birligi kúni merekesi qarsańynda shymyldyǵy túrilgen nysannyń qurylysy óńirdegi 20 etnomádenı birlestiktiń bastamasymen salynǵan.
Kezinde júrgizilgen solaqaı saıasattyń saldarynan ata-babalary Qazaqstanǵa kúshtep qonystanǵan etnostardyń ósip-óngen urpaqtary búgingi beıbitshil, berekeli zamanǵa aman-esen jetýin, Qazaqstandaǵy jergilikti halyqtyń baýyrmaldyǵynyń arqasy dep biledi. Osyǵan oraı, óńirimizdegi túrli ult pen ulystyń qazaq eline degen kirshiksiz rızalyǵy pen aqedil shynaıy alǵysynyń sımvolıkalyq kórinisi ispetti boı túzegen nysan ultymyzǵa degen zor qurmettiń belgisi deýge bolady.
О́ńirdegi etnos ókilderiniń qarjylaı demeýimen boı kótergen monýmenttiń bıiktigi 7,5 metrdi quraıdy. Aldaǵy ýaqytta osy nysan eldi berekeli birlikke uıystyratyn mańyzdy is-sharalar ótetin eńseli ǵımaratpen birge ońtústik jurtshylyǵynyń patrıottyq alańshasy retinde el ıgiligine jumys isteıtin bolady.
Ońtústiktegi osynaý birligi jarasqan tirlikke rıza bolǵan Memleket basshysy Nursultan Ábishuly kóp ultty memleketimizdegi etnostar tatýlyǵy Táýelsiz Qazaqstannyń basty baılyqtarynyń biri ekenin atap ótti.
Munan soń, Elbasy N.Nazarbaev qaıta qurylymdaýdan ótken «Qazaqstan halqy Assambleıasynyń» ǵımaratyn aralap kórdi. Etnomádenı birlestikterdiń qyzmetimen tanysyp, olar usynǵan "Birligimiz jarasqan" mýzykalyq kompozısııasyn tamashalady.
Oblystyq bıýdjet esebinen jónge keltirilgen 3 qabatty nysanda «Qoǵamdyq kelisim» mekemesiniń qyzmetkerleri men óńirdegi etnomádenı birlestikterdiń keńseleri, 800 orynǵa arnalǵan kórermen zaly bar. Sonymen birge, munda úrli úıirmeler men jeksenbilik mektepterdiń turaqty áreket etýine jaǵdaı jasalǵan. Alda bul ǵımaratta ońtústik jurtshylyǵyn berekeli birlik pen yrysty yntymaqqa úndeıtin is-sharalar men forýmdar, kezdesýler, semınarlar, túrli konkýrstar jáne ózge de basqosýlar uıymdastyrylyp, maqsatty jumys júrgizetin bolady.