Asyra aıtqanym emes, Elbasynyń ár sózi meni tolqytty, tebirentti. Osyndaı ǵajap elde ómir súrip jatqanymyzǵa, qoǵamdaǵy tynyshtyq pen turaqtylyqqa taǵy da rıza boldyq, rahmet aıttyq.
Qanshama ulttyń ókili arazdyq degendi bilmeı, bir shańyraq astynda tatý-tátti ǵumyr keship jatyr. Men eshqashan qazaq emes ekenimdi sezinip kórmeppin. Osy eldiń teń quqyly azamaty retinde barlyq arman-maqsattaryma jetip kelemin. Búginde baqytty ákemin, nemerelerim de qazaq jerinde ósip jatyr, kásibim de órkendep keledi. «Iverııa» grýzın etnomádenı birlestigi janynan qurylǵan balalar bı ansambli Assambleıa jıynynda ónerlerin kórsetti. Bul – biz úshin úlken mártebe. 2012 jyly qurylǵan ansambl men hor oblysta ótetin barlyq mádenı sharalar men respýblıkalyq, halyqaralyq baıqaýlarǵa qatysyp, joǵary marapattar ıelenip júr. О́tken jyly da Astanada «Beıbitshilik pen kelisimniń 25 jyldyǵy» atty etnomádenı festıvalge qatysty. Endi EKSPO qonaqtaryna ónerlerin kórsetýge daıyndyq ústinde. О́z ultymyzdyń qundylyqtaryn, dástúri men saltyn osylaısha damytyp, nasıhattaý úshin Qazaqstanda barlyq jaǵdaıdyń jasalǵany bizdi shyn qýantady.
Oblystaǵy 17 etnomádenı birlestiktiń barlyǵy da qoǵam ómirine belsendi atsalysady. Atyraýdaǵy Dostyq úıi beıbitshilik pen birliktiń ordasyna aınaldy. Elimiz tynysh, jaǵdaıymyz jaqsy, meniń oıymsha baqyt degen – osy!
Zýrab BOBOHIDZE,
«Iverııa» grýzın etnomádenı birlestiginiń tóraǵasy
ATYRAÝ