Bul rette bas qalamyzda sońǵy jyldary kóshe joldaryn kúrdeli jóndeýden ótkizý jáne jańa avtokólik joldaryn salý máselesi birshama ońtaıly sheshim taýyp kele jatqanyn atap aıtqan jón. Sońǵy bes-alty jyl kóleminde qala aýmaǵynda jol qurylysyn jetildirý boıynsha asa iri jumystar atqaryldy. Astana qalasynyń avtokólik joldary basqarmasynyń habarlaýynsha, búgingi kúni qalanyń kóshe jáne jol-kólik júıesi 953 kósheden turady, onyń jalpy uzyndyǵy 1049 shaqyrymdy quraıdy. Onyń ishinde, asfalt-beton jabýy bar joldar – 803 shaqyrym (76,5 paıyz), qatty jabýy joq joldar 246 shaqyrym (23,5 paıyz). Injenerlik ınfraqurylym nysandaryna 8 jolaıryq, 17 avtokólik kópiri, 4 jaıaý júrginshi kópiri, 9 jol ótkeli kiredi.
Qalanyń shetki aýdandaryn damytý aıasynda tek 2011-2017 jyldar aralyǵynda ǵana 101 shaqyrym jol jáne 275 shaqyrym ınjenerlik jeli salynyp, paıdalanýǵa berildi. Kúıgenjar, Qazaqaýyl, Prıgorodnyı, Qaraótkel, Zarechnyı jáne Promyshlennyı turǵyn alaptarynda jol salý jumystary aıaqtaldy. О́tken jyly uzyndyǵy 41 shaqyrymdy quraıtyn 57 kóshede ortasha jóndeý jumystary júrgizildi. Al 275 kóshede aǵymdaǵy jóndeý jumystary, atap aıtqanda, 68 kóshede baǵdarlyq ádispen jóndeý, 207 kóshede shuńqyrlardy jóndeý jumystary júrgizildi. Ústimizdegi jyly 6 shaqyrym jańa jol qurylysyn, 32 shaqyrym ınjenerlik jelilerdiń qurylysyn salý jumysy aıaqtalmaq.
Sońǵy ýaqytta elordamyzdyń jol-kólik ınfraqurylymyn jańǵyrtý maqsatynda birqatar mańyzdy jobalar iske asyryldy. Atap aıtqanda, «Astana LRT» JShS 2014 jyly ITS jobasyn paıdalanýǵa usyndy. ITS jobasy birneshe kishi jobalyq júıeden turady. Olar: baǵdarsham nysandaryn beıimdep basqarý; júrgizýshilerdi habardar etý júıesi; qoǵamdyq kólikti dıspetcherlik qyzmetpen qamtamasyz etý júıesi; jol júrý aqysyn tóleýdiń elektrondy júıesi; qalanyń avtoturaq keńistigin baqylaý jobasy; jol qıylystaryn beınebaqylaý júıesi. ITS jobasy bas qalamyzdaǵy 6 kóshedegi 42 retteletin jol qıylysyn avtomatty basqarýdy júzege asyrdy. Osy jobany paıdalaný nátıjesinde bul kósheler qıylysynyń ótkizý qabileti men kólik aǵymdarynyń qozǵalys jyldamdyǵyn orta eseppen 21 paıyzǵa deıin arttyrýǵa qol jetkizildi.
«Astana qalasynyń avtoturaq keńistigin baqylaý» jobasynyń basty maqsaty qalamyzda kólikterdi turaqqa qoıýdyń óskeleń mádenıetin qalyptastyrý bolyp tabylady. Jasyratyny joq, qala kóshelerinde qalaı bolsa, solaı turaqqa qoıylǵan avtokólikterden aıaq alyp júre almaısyz. Bul keleńsizdikter kóshede avtokólikterdiń júrip-turýyn qıyndatyp, jol qaýipsizdigi erejesiniń óreskel buzylýyna ákelip soǵady. «Astana qalasynyń avtoturaq keńistigin baqylaý» jobasy eki kezeńmen júzege asyrylýda. Birinshi, kezeńde Nurly jol býlvarynda 910 avtoturaq orny qalyptastyrylsa, ótken jyldyń sońyna deıin qalamyzda 9 myń aqyly avtoturaq orny iske qosyldy. Túıindeı aıtsaq, bul zamanaýı jobalardyń basty maqsaty – kóshelerdegi kólik keptelisterin joıyp, qala aýmaǵynda kedergisiz kólik qatynasyn qalyptastyryp, jol-kólik qyzmetiniń sapasyn arttyrýda astanalyqtardyń joǵary mádenıetin qalyptastyrý bolyp otyr.
Qazirgi tańda A. Baıtursynov atyndaǵy jáne J. Nájimedenov atyndaǵy kóshelerde Táýelsizdik dańǵylynan jańa vokzalǵa deıin uzyndyǵy 4,7 shaqyrymǵa sozylǵan 6 jolaqty jol salynyp jatyr. Bul jańa joldyń eseptik ótkizý qabileti 5,5 myń avtokólikti quraıdy. Jańa vokzaldyń aldyndaǵy A82 kóshesinde jáne vokzaldyń artyndaǵy A62 kóshesinde jolaýshylarǵa barynsha yńǵaıly abattandyrý jumystary júrgizilýde. Kólik strategııasynyń tıimdiligi tek jol-kólik ınfraqurylymyn damytýmen ǵana shektelmese kerek. Bul oraıda, qala kóshelerindegi qoǵamdyq kólik qatynasynyń jáne jolaýshylarǵa kórsetiletin qyzmet sapasynyń da aıryqsha mańyzy bar ekendigi daýsyz. Osyǵan oraı, qalamyzdaǵy qoǵamdyq kólik qatynasyn jaqsartý jáne jolaýshylarǵa barynsha tıimdi de sapaly qyzmet kórsetý jaıy barǵan saıyn júıeli túrde jetildirilip keledi. EKSPO-2017 Halyqaralyq mamandandyrylǵan kórmesin ótkizý kezinde elimizdiń barlyq óńirlerinen keletin jolaýshylar avtobýsynyń tasqyny artady dep kútilýde. Aldyn ala jasalǵan keste boıynsha, bul kezeńde qalamyzǵa kún saıyn 118 jolaýshylar avtobýsy kelmek. Jolaýshylarǵa qolaıly jaǵdaı jasaý jáne olardyń qaýipsizdigin qamtamasyz etý úshin qalaaralyq tasymal júıesine tórt kóliktik hab arqyly qyzmet kórsetiletin bolady. Bul habtarda (saparjaılarda) jolaýshylarǵa joǵary dárejedegi qyzmet kórsetilip, barynsha qolaıly jaǵdaı jasalmaq.