Qurmetti Nursultan Ábishuly!
Halyqtyń senimin arqalaǵan Elbasymen birge 25 jyldy abyroımen eńserip, erteńge degen úlken úmitpen qaraımyz. Sizdiń árbir jańa bastamańyz bizderdi bolashaqqa nyq senimmen jeteleı túsýde. Jambyl atyndaǵy Qazaq memlekettik fılarmonııasy – el erteńi men urpaqtar sabaqtastyǵy úshin jasalar ıgi isterge atsalysýǵa árqashan ázir.
Sizdiń «Bolashaqqa baǵdar: rýhanı jańǵyrý» atty baǵdarlamalyq maqalańyz bizderdi, óner adamdaryn shabyttandyryp, jigerimizdi taǵy da qamshylaı tústi. Jańǵyrý jónindegi osynaý sarabdal oılaryńyzdyń mańyzyn tereń túsine otyryp, HHI ǵasyrdaǵy jahandyq úderisterge saı ómir súrý úshin zaman aǵymyna beıimdele otyryp, ózgerý men damýǵa degen bastamańyzǵa biraýyzdan qoldaý bildiremiz.
Qurmetpen, Qazaqstannyń eńbek sińirgen qaıratkeri
J.SEIDÝLLAULY
Janymyzdy erekshe tebirentti
Qadirmendi Nursultan Ábishuly!
Sizdiń «Bolashaqqa baǵdar: rýhanı jańǵyrý» atty baǵdarlamalyq maqalańyzdy gazetten oqyp zor qýanyshqa ıe bolyp otyrmyz. Ásirese, onyń ishinde týǵan jerge degen mahabbat óner adamdaryna erekshe áser etetini sózsiz. Sol maqalanyń ishinde «Týǵan jerin súıe almaǵan, Súıe alar ma týǵan elin», degen óleń joldary bizdiń janymyzdy erekshe terbedi.
Sol sııaqty latyn álipbıine kóshý ıdeıasyn da shyn júrekten qoldaımyz. Osyndaı maǵynasy tereń sarabdal oılardan qýat alǵan óner adamdary elimizdiń mádenı-rýhanı baılyǵyn odan ári asqaqtata beredi. Ánderin jaza beredi.
Sizge amandyq, saýlyq tileımiz.
Qurmetpen, Qazaqstan Respýblıkasynyń halyq ártisi
Eskendir Hasanǵalıev,
Qazaqstannyń eńbek sińirgen qaıratkeri
Birjan Hasanǵalıev
Máńgilik Elge bastaıtyn dara jol
Qurmetti Nursultan Ábishuly!
Sizdiń «Bolashaqqa baǵdar: rýhanı jańǵyrý» atty baǵdarlamalyq maqalańyzdy qyzý qoldaımyz. Eldi rýhanı jańǵyrý jolyndaǵy salıqaly oılaryńyz ben júktegen mindetterińiz – Máńgilik El bolýǵa aparatyn tikeleı dara jol. Sondyqtan Sizdiń elimizdiń tynyshtyǵy men ónegesi ozyq órkenıetti elder qataryna qosý jolyndaǵy janqııarlyq eńbegińizge tolymdy tabys tileımiz.
Rııasyz qurmetpen, Qazaqstan Respýblıkasy
Memlekettik Ortalyq mýzeı ujymy