Emhanada elge túsindirilip jatyr

Osy oraıda mindetti áleýmettik medısınalyq saqtandyrý júıesinen kúterimiz kóp. Birinshiden, densaýlyq qorǵaý aýyrtpalyǵyn bólisý jáne tur­ǵyndardyń óz densaýlyǵyn ny­ǵaı­týǵa kóńil bólýi arqyly qoǵamdyq yn­tymaqtastyqqa qol jetkizýge bolady. Am­býlatorııalyq dári-dármektermen qam­tamasyz etý paketi keńeıedi. Ekin­shi­den, MÁMS-tiń engizilýi jalpy tá­jirıbe dárigerleri jáne ýchaskelik dá­ri­gerler júktemelerin kezeń-kezeńimen (bir ýchaskedegi 2000 adamdy 1500-ge deı­in) azaıtýǵa múmkindik beredi. Bul qoljetimdilikti arttyryp, kezekti azaıtady, sáıkesinshe qabyldaý sapasyna áser etedi. Dáriger ár naýqasqa kóbirek ýaqyt bóle alady. Qazirgi kúni emhanalarda dárigerge elektrondy túrde jazylý júzege asyrylýda. Naýqastarǵa sapaly jáne joǵary deńgeıli medısınalyq kómek kórsetý, kezeksiz emhana boıynsha kúndelikti jumystar jasalýda. Bul úrdis MÁMS júıesiniń arqasynda ári qaraı da jetildiriledi degen senimdemiz. Úshinshiden, qor salymshylary – saq­tandyrylǵan azamattar jasyna, áleý­met­tik mártebesine, turǵylyqty je­ri­ne jáne tabysyna qaramastan teń dá­rejede medısınalyq jáne dári-dár­mektik kómekpen qamtamasyz etilmek. Bá­sekelestik damyp, medısınalyq qyz­met sapasy jaqsarady. Sáıkesinshe, tur­ǵyndar densaýlyǵyn jaqsartýdyń nátıjesinde ómir súrý uzaqtyǵy da artady. Tórtinshiden, MÁMS engizilgen kez­de medısınalyq qyzmetkerler ja­la­qysy eńbegine qaraı baǵalanady dep kú­tilýde.

Al, Astana qalasyndaǵy № 6 qala­lyq emhanada bas dáriger Dınara Baı­ser­­kınanyń qadaǵalaýymen mamandar medısınalyq saqtandyrý boıynsha halyqqa túsindirý jumystaryn júr­gi­zýde. Jyl basyndaǵy málimetter boı­ynsha, emhanaǵa tirkelgender sany – 71 905, onyń ishinde úlkender – 46 759, balalar – 22 799, jasóspirimder – 2347, zeınetkerler – 7096. Emhanada kún saıyn MÁMS týraly jadynamalar ta­ratylady, qabyldaýǵa kelgen tur­ǵyn­darǵa túsindirme jumystary júrgiziledi. Tirkeý tizbesi boıynsha tur­ǵyndardyń áleýmettik mártebesi týra­ly derekterdi en­gizý jumystary kún­delikti júrip ja­tyr. Búginge deıin bizdiń emhanaǵa tir­kelgen turǵyndardyń 3 985-niń már­tebesi anyqtaldy. Belsendi túr­de júr­gizilip jatqan bul jumys aǵym­daǵy jyl­dyń 31 maýsymyna deı­in aıaqtalýy tı­is. Elektrondy jazy­lym boıynsha kún saıyn terapevt-dárigerlerge 350-deı adam jazylady. Al, ázirge pedıatr, hırýrg, travmatologtar kezek boıynsha, nevropatolog, kardıolog, okýlıst se­kil­­di maman-dárigerler talon boıynsha qa­byldaıdy. Munyń bári aldaǵy ýa­qyt­ta elektrondy jazylym boıynsha ret­teledi. Emhanada MÁMS boıynsha 5 ada­m­nan quralǵan jumys toby bar. Olar ha­lyqqa jáne emhana qyzmetkerlerine tú­sindirý jumystaryn júrgizip keledi.

Aǵymdaǵy jyldyń 1 shildesinen bas­­tap memlekettiń, jumys berý­shi­­­ler­diń jáne azamattardyń ortaq jaý­­ap­ker­shi­li­gine negizdelgen min­det­ti áleý­mettik me­dı­sınalyq saq­tan­dy­rý júı­esi engiziledi. Bul júıe­niń tıimd­i­ligi álem­dik tájirıbede dá­lel­den­gen. Me­dı­sınalyq saqtandyrý júıe­­sine qa­ty­sý­shylarǵa keń kólemdi me­dı­­sı­nalyq qyz­metter usynylmaq. Oǵan qa­tysatyn tur­ǵyndardyń áleý­met­tik qor­ǵalmaǵan tobyna memleket qoldaý kór­setedi. Jýyrda eńbek ujy­my­men bir­ge talqylaǵan Elbasy Jol­daý­yn­da aıtylǵandaı, emhanamyz min­detti áleý­mettik medısınalyq saq­tan­­dyrý júıe­si­niń talaptaryna saı me­dı­sınalyq qyzmet kórsetýge ázir. 

Záýre HARAShAEVA,

№6 qalalyq emhana bas dárigeriniń uıymdastyrý-ádistemelik jumystar jónindegi orynbasarynyń mindetin atqarýshy 

ASTANA