Osynaý mádenı sharaǵa S.Muqanov atyndaǵy Soltústik Qazaqstan oblystyq qazaq mýzykalyq drama teatrynyń trýppasy da tyńǵylyqty daıyndyqpen baryp, «Qasiret» psıholologııalyq dramasyn sahnalady. Qoıylymdy qazylar alqasy joǵary baǵalap, «Eń úzdik rejısserlik sheshim» atalymyna laıyq dep tapty. Atalmysh spektakldiń premerasyn qyzyljarlyq kórermender óte jyly qabyldaǵan edi. Endi mine, batys óńirinde de ystyq yqylasqa, jyly iltıpatqa bólendi.
Jas rejısser Farhad Moldaǵalı belgili jazýshy Rahymjan Otarbaevtyń «Nashaqor týraly novella» týyndysynyń jelisimen sahnalaǵan spektakldiń negizgi ıdeıasy – jastardy ǵasyrdyń basty indetinen jırendirý, onyń ár otbasyna ákeletin qasiret-qaıǵysyn uǵyndyrý. Kórermendi oılandyratyn qoıylymda ýaqyt keńistigi, keıipkerlerdiń minez ereksheligi, shyǵarmadaǵy mátin men sahnadaǵy is-áreket ádemi úılesim tapqan.
17 jyldyq tarıhy bar jas teatrdyń tyń jetistikteri buǵan deıin de halyqaralyq deńgeıde atap ótilgen bolatyn. Jeńisti joldar jalǵasy toqtalmaq emes.
Baljan BEKMAǴAMBETOVA,
S.Muqanov atyndaǵy qazaq mýzykalyq drama teatry ádebıet bóliminiń meńgerýshisi
Soltústik Qazaqstan oblysy