О́ńirde medısına mamandarynyń tapshylyǵy máselesi áli de tolyq sheshimin tappaı otyr. Ásirese akýsher-gınekolog, nevrolog, transfýzıolog, psıhıatr, ftızıatr, reanımatolog jáne anestezıolog sekildi qyzmetkerlerge zárýlik baıqalady.
Byltyr oblysqa 127 dáriger qajet bolsa, bıyl bul kórsetkish birshama tómendep, dál qazirgi ýaqytta 74 aq halattynyń orny bos turǵan kórinedi. Bul týraly oblystyq densaýlyq saqtaý basqarmasy basshysynyń mindetin atqarýshy Raıfa Safıollınova aıtty.
Búgin О́skemende ótken jıynda aımaq basshysy Danıal Ahmetov 74 mamandy jyl aıaǵyna deıin qyzmettik baspanamen qamtýdy tapsyrdy. «Qaı qalada, qaı aýdanda mamandardyń jetispeýshiligi baryn anyqtaý qajet. Bul máseleni tez arada sheshpese bolmaıdy», – dedi oblys ákimi.
Qazirgi ýaqytta О́skemende medısına qyzmetkerlerine arnalǵan 70 páterli jataqhana qurylysy salynyp jatyr. Ǵımarat sáýir aıynda qoldanysqa beriledi dep josparlanǵan.
Azamat QASYM,
«Egemen Qazaqstan»
О́SKEMEN