Úsh kúnge sozylǵan jarys qorytyndysy boıynsha Abakov Arman, Temirov Bahtııar, Jarmaǵambetov Temirlan, Kabdykaıyrov Erjan, Sıranov Jáńgir esimdi jas zııatkerlerden quralǵan komanda jalpy álemdik reıtingte 38 orynǵa ıe boldy. Jyl saıyn uıymdastyrylatyn toptyq saıysqa álemniń ár túkpirinen kelgen 80 komanda, 20 myń stýdent pen oqýshy qatysty. Jas ónertapqyshtardyń qolynan shyqqan 1400 joba usynyldy.
Qytaı, Ońtústik Koreıa, Sıngapýr, Gonkong, Japonııa, AQSh, Ulybrıtanııa, Kanada syndy álemniń aldyńǵy qatarly elderinen kelgen komandalar jarysta top bastady. Kórshiles Reseıden kelgen komanda 71 orynǵa taban tiredi.
Nazarbaev mektebiniń jas zııatkerleri osyǵan deıin Máskeý qalasynda ótken «Robofest – 2017» jobasynda birinshi jáne ekinshi oryndardy enshilep, álemdik deńgeıdegi osy jobaǵa joldama utyp alǵan bolatyn.
«Oqýshylarymyz «VEX ROBOTICS» jobasyna qatysý arqyly ózderiniń bilim deńgeılerin álemge tanyta aldy. Osy joba arqyly basqa úzdik komandalar men básekege túsip, óz tájirıbelerin damytý ústinde. Oqýshylarymyzdyń deńgeıi jyl saıyn ósip keledi. Aıtýly jobaǵa oqýshylardy Nurdáýlet Dosmaǵambetov, Mıster Tom Lým men Dastan Qumar syndy ustazdary bastap bardy. Aldaǵy ýaqytta shákirtterimizdi eń úzdik komandalar qatarynan kóremiz degen senimimiz mol», – deıdi Nazarbaev Zııatkerlik mektebiniń dırektory Oleg Pak.
Talaptyń oty aryndap turǵan shaǵynda, jastarymyzdyń ǵylym men tehnıkany qatar ıgerip, álemdik ınnovasııalyq jobalarda el namysyn asqaqtatqany úlken maqtanysh. Endeshe, bolashaq ǵalymdarymyzdy, búgingi jas daryndarymyzdy bizde quttyqtap, sáttilik tileımiz.
Arman OKTIаBR,
«Egemen Qazaqstan»
ALMATY