Aýqymdy sharaǵa aýdandardyń ákimderi, qalalyq basqarmalar, kommýnaldyq sharýashylyqtar, qarjy sektorynyń jáne ortalyq memlekettik organdardyń ókilderi, jastar birlestikteri jáne qaladaǵy áleýmettik mańyzdy nysandardyń qyzmetkerleri qatysýda.
Kúni boıy qalanyń úsh aýdanynda 100 myńnan asa adam, 4 452 memlekettik mekeme, sonyń ishinde densaýlyq saqtaý obektileri, orta mektepter, joǵary oqý oryndary, qurylys uıymdary, shaǵyn jáne orta bıznes obektileri qalany tazartý jumystaryna atsalysady. Sonymen birge, 425 dana arnaıy tehnıka tartylady, senbilikke qatysýshylardy 15 myńnan asa jumys quraldarymen qamtamasyz etý uıymdastyryldy. Qalany jınaý jáne sanıtarlyq tazartý jumystary, aýlalardy, ǵımarattardyń qasbetterin árleý, kógaldandyrý jáne aǵashtardy ákteý, oramishilik jáne turǵyn úılerdiń aýmaqtaryn tazartý josparlanǵan.