Keshe Astanada Qazaqstan UQK tóraǵasy Nurtaı Ábiqaevtyń Qytaı Halyq Respýblıkasy Memlekettik Keńesiniń múshesi – Qoǵamdyq qaýipsizdik mınıstri Men Szıanchjýmen kezdesýi bolyp ótti, dep habarlady QR UQK baspasóz qyzmeti.
Kezdesýge qatysýshylar halyqaralyq jáne óńirlik qaýipsizdiktiń mańyzdy problemalary boıynsha pikir almasty.
Kelissózder barysynda delegasııa basshylary eki jaqty yntymaqtastyqty damytýdyń birqatar naqty máselelerin talqylady. Atap aıtsaq, memlekettik shekarany kúzetý, terrorızm men ekstremızmge qarsy áreket etý, esirtkiniń zańsyz halyqaralyq aınalymy jáne zańsyz mıgrasııa salasyndaǵy ózara yntymaqtastyqtyń ózekti aspektileri qozǵaldy.
Taraptar, sondaı-aq, eki el qaýipsizdik organdary men quqyq qorǵaý organdarynyń yntymaqtastyǵyn óńirlik qaýipsizdik múddesinde odan ári nyǵaıtý Shanhaı yntymaqtastyq uıymy (ShYU) qyzmetindegi mańyzdy baǵyttardyń biri bolyp tabylatyndyǵyna senim bildirdi.