Tóraǵalyq logotıpiniń tusaýy kesildi

Keshe Astanada 2011 jyl­dyń jazynda bolatyn Islam Kon­ferensııasy Uıymy Syrt­qy ister mınıstrleri keńesiniń 38-shi sessııasynda Qazaqstan tóraǵa­lyǵy logotıpiniń tu­saýy kesildi. Logotıp altyn kún men qyran­nyń beıneleri keltirilgen kógildir sheńber túrinde. Joǵarǵy shetterinde 38th Session of the OIC Council of Foreign Ministers, al tómengisinde Astana Kazakhstan. June 28-30, 2011 degen mátin keltirilgen. Qazaqstan tóraǵalyǵynyń urany («Beıbitshilik, yn­tymaqtastyq jáne damý») Uıymnyń úsh resmı tilinde (aǵylshyn, fransýz, arab) jasyl túspen logotıpti aınala jazylǵan. Sondaı-aq logotıptiń syrty elimizdiń mádenıeti men dástúrin nyshandaıtyn qazaqtyń oıý-órnegimen áshekeılengen. Kógildir jáne altyn túster, sonymen qatar, kún men qyran beıneleri Qazaq­stannyń Memlekettik týynyń tústeri men sım­vol­dary retinde Islam Konferensııasy Uıymynyń Syrt­qy ister mınıstrleri keńesiniń 38-shi sessııa­synyń Qazaqstanda ótetinine siltese, jasyl tús al­daǵy bolatyn sharanyń musylman álemimen baı­lany­syn ańǵartady.