Týǵan Otanymyzdy qorǵaýǵa joǵary kásibı daıyndyq qajet

Keshe Elbasy Nursultan Nazarbaev Qaraǵandy obly­syna jumys saparymen keldi. Sapar «Otan qorǵaýshylar kúni» qarsańynda bolyp otyrǵan sebepti Prezıdentke Qa­zaqstan áskeriniń Qaraǵandy garnızonynyń quramalary men bólimderin tanystyrýdan bastaldy. Aldymen Qorǵanys mınıstri Ádilbek Jaqsybekov Memleket basshysy – Qarýly Kúshterdiń Joǵarǵy Bas qolbasshysyn ás­ke­rı garnızonnyń jaýyngerlik ázir­ligimen jáne áskerı ınfra­qu­rylymdar múmkindigimen tanys­ty­rdy. Prezıdentke 50185-shi ás­kerı bólimniń jaýyngerlik kezekshilikte turǵan avıasııalyq teh­nıkasy men tehnıkalyq labora­to­rııasy kórsetildi. Osydan ári Prezıdent Mıg–31 ushaǵynyń jumys reglamentimen jáne keshendi trenajerdiń jumysymen tanysty. Elimizdiń áýe shebin qorǵaýshy qorǵanys kúshterimizdiń ushqysh­ta­ry birneshe ret halyqaralyq oıyn-jattyǵýlarǵa qatysqanyn atap ótken jón. Olardyń bárinde de bizdiń ushqyshtarymyz daıyn­dyqtarynyń joǵary dárejede ekenin kórsete bildi. Al ózimizde byltyrǵy jyly toǵyz avıasııa jattyǵýlary ótkizildi. Áskerı-áýe kúshterinde daıyndyq ól­she­mi ushý saǵatynyń uzaqtyǵymen aıqyndalady. Bizdiń áskerı-áýe kúshterimizdiń jalpy ushý uzaq­tyǵy búgingi kúnge deıin 25 myńnan asa saǵatty qurap otyr. Al árbir ushqyshtyń ushý uzaq­ty­ǵy 83 saǵat boldy, bul – TMD-nyń basqa elderimen salys­tyrǵanda úzdik kórsetkish. Áskerı-áýe kúshteriniń daı­yn­dyǵyn kórgen soń Elbasynyń korteji Qaraǵandydan 30 shaqy­rym jerde ornalasqan «Spassk» oqý-jattyǵý ortalyǵyna qaraı bet aldy. Munda Qazaqstan ás­ke­riniń mobılızasııalyq rezervin daıyndyqtan ótkizý jumystary uıymdastyrylǵan. Qazaqtyń us­aq-shoqylarynyń arasyndaǵy jazyqqa ornalasqan ortalyqtyń aýmaǵy birshama keń eken. Elbasy – Qazaqstan Qarýly Kúshteriniń Joǵarǵy Bas qolbasshysy kelgen kezde munda kún jarqyrap, aspan barynsha ashyq bolyp turdy, úp etken jel de joq. Ortalyqtyń bastyǵy, podpolkovnık D.Hamıtov Elbasyna oqý-jattyǵý barysy týraly baıandap berdi. Byltyrǵy maýsym aıynda ashylǵannan beri ortalyqta 700-deı adam bir aılyq daıyndyqtan ótipti. Olardyń jas mólsheri 27-35 aralyǵynda. Buryn áskerde bolmaǵan mundaı jandar ásker ómirinen mol maǵlumat alyp, bir aıdyń ishinde túrli qarý túr­le­rin, baılanys quraldary men áskerı tehnıkany qalaı qolda­ný­dy erkin meńgerip attanady eken. Jalpy, elimizde budan basqa da osyndaı segiz ortalyq bar kó­ri­nedi. Bıyl osy ortalyqtar ar­qy­ly jalpy sany 4000-ǵa jýyq adam áskerı daıyndyqtan ótedi. Endi mundaı ortalyqtar bıyl Semeı, Taraz, Aqtaý qalala­ryn­daǵy áskerı bólimderde de ashylypty. N.Nazarbaev áskerı daıyn­dyq­­tan ótip jatqandarmen áńgi­melesip, olardy Otan qorǵaý­shy­lar kúnimen quttyqtady. Áskerı jıynǵa qatysý arqyly sizder shynyǵyp, áskerı ómirdiń shyń­dalý mektebinen ótesizder. Sóı­tip, Qazaqstan Respýblıkasynyń qor­ǵanys qabiletin nyǵaıtýǵa óz úlesterińizdi qosasyzdar. Kez kelgen armııanyń jaýyngerlik qa­bileti zamanaýı qarý-jaraq jáne áskerı tehnıkamen qam­ta­masyz etilgeninde emes, birinshi kezekte mamandardyń kásibı­li­gimen anyq­talady. Sizder sol iske endi daıyn bolasyzdar, dedi Prezıdent. Osy sapar barysynda Memleket basshysy Sh.Ýálıhanov atyn­daǵy Kadet korpýsynyń osynda ákelingen bir top túlekterimen de kezdesip, olardy da Otan qor­ǵaý­shylar kúnimen quttyqtady. Odan keıin elimizdiń basqa áskerı bólimderinen kelgen serjanttar ókilderimen kezdesti. Qazir ká­si­bı serjanttar áskerı bólimder men bólimshelerde laıyqty qyz­met atqaryp júr. Serjanttar da Kadet korpýsynda daıyndalady, onyń alǵashqy túlekteri 1996 jyly túsip, 1999 jyly oqý­la­ryn bitirip, qazir áskerde qyzmet etýde. Álemniń aldyńǵy qatarly elderiniń tájirıbesi negizinde uıymdastyrylǵan korpýs bitirýshi serjanttar áskerdiń jaýyn­ger­lik qabileti men daıyndyqtan ótýge kelgen rezervtiń daıyndyq sapasyn arttyrýǵa úlken úles qosyp júr. Onyń ústine áskerdiń ishindegi tártiptiń túzelýine de súbeli úles qosýda. Elbasy Sh.Ýálıhanov atyn­da­ǵy Kadet korpýsyn bitirip, ás­kerde úzdik qyzmet etip júrgen serjanttarmen birshama áńgime­lesti. Biz serjanttar qataryna qyz­metkerler daıyndaýda kóp ba­laly jáne az qamtylǵan otbasy­larynyń balalaryn alyp, tegin oqytyp, artynan qyzmet etýdi maqsat etken edik. Sol maqsa­ty­myz qazir tolyǵymen oryndalyp, ásker qatarynda júzdegen serjant kelisim-shart negizinde qyz­met etýde. Olar áskermen birge turyp, olardyń barlyq muqtaj­daryn bilip, olardyń sheshilýine kómegin tıgizip otyrady. Bul tájirıbemizdi TMD-nyń basqa elderi de qazir bizden úırenýde, dedi Elbasy. Joǵarǵy Bas qolbasshy ar­naý­ly maqsatta uıymdastyrylǵan bólimshelerdiń jattyǵý qımyl­da­rymen tanysty. Olar Elba­syna ǵımaratqa shabýyl jasaý, kepilge alynǵandardy azat etý, sondaı-aq túrli kedergilerden ótý sekildi kúrdeli elementterdi kórsetti. Áskerıler ózara ynty­maqtasa otyryp, beıbit turǵyn­darǵa shabýyl jasaǵan sodyr­lar­dyń tobyn joıý boıynsha oıyn­dar qoıdy. Joǵarǵy Bas qolbasshy áske­rı bólimde bolǵan saparynyń sońynda BAQ ókilderimen shaǵyn baspasóz máslıhatyn ótkizdi. Onda Elbasy táýelsiz eldiń ózindik áskeri bolýy qajettigin, qazir Qazaqstan armııasy úsh túrli ásker túrinde tolyq jasaqtalyp, eldiń tutastyǵy men bostan­dy­ǵyn qamtamasyz etý jolyndaǵy óziniń mindetin oryndaýǵa daıyn ekendigin aıtty. Búgingi kúni biz elimizdiń ishi-syrtyndaǵy jaǵ­daıǵa, ekonomıkamyzdyń múmkin­digine, jerimizdiń úlkendigine sáı­kes keletin qajetti mólsher­degi áskerdi qurdyq. Asa úlken ásker ustaýdyń bizge qajeti joq, biraq bizdiń áskerimiz barynsha kásibılendirilgen, bilimdi bolýy kerek. Qazir bizdiń áskerimiz sondaı deńgeıge jetti dep aıta alamyz. Áskerılerdiń 60 paıyzy kelisim-shartpen qyzmet etetinder. Olar ózderiniń aldyna qoı­yl­ǵan barlyq mindetti oryndaýǵa ázir, deı kelip, Prezıdent sonyń ishinde qazaqstandyq batalon­nyń Tájikstandaǵy sodyrlarmen shaıqasta ózindik kelbetin tany­typ, úzdik bólimderdiń biri bol­ǵa­nyn atap ótti. Men elimiz táýelsizdigin alǵan kúnnen bastap Qarýly Kúshterimizdiń qalypta­sýy men damýyna úlken kóńil bólip kelemin. Áskerdi qajetti mól­sherdegi zamanaýı qarý-ja­raqpen, áskerı tehnıkamen tolyq qamtamasyz ettik. Áskerılerdiń áleýmettik máselelerin sheshý jyldan jylǵa jaqsaryp keledi. Endi úlken quramalarǵa buıryq bere alatyn komandırlerdi de daıyndaý múmkindigine ózimizde qol jetkizetin bolamyz. Astanada Qorǵanys mınıstrliginiń ýnıversıteti salynyp jatyr, úlken shendi ofıserler sonda daıyn­dalady, dedi Memleket basshysy. О́ziniń búgingi kórgen másele­leri jaıynda aıtqanda, Prezıdent áskerı daıyndyqtardyń du­rys jolmen damyp kele jat­qanyn atap ótti. Sonyń ishinde bir aılyq daıyndyqtan ótip jatqandar týraly jaqsy pikirin jetkizdi. Al «sodyrlardy quryq­taý» máselesine toqtalǵanda da daıyndyq barysyna óziniń rı­zashylyǵyn bildirdi. BAQ ókilderimen kezdesýden keıin Joǵarǵy Bas qolbasshy ás­kerı oıyndarǵa qatysqan jeke qu­ram­men de júzdesip, olardyń ara­syndaǵy úzdikterge alǵys ja­rııalady. Búgin Elbasynyń Qaraǵan­dyǵa jumys sapary odan ári jalǵasady. Jaqsybaı SAMRAT, Aıqyn NESIPBAI.