Senim gramotasyn tapsyrdy

Jaqynda Tırana qalasynda Albanııa Prezıdentiniń sa­raıyn­da Qazaqstan Respýblıka­sy­nyń Túrik Respýblıka­syn­daǵy Tóten­she jáne ókiletti elshisi, sondaı-aq Albanııa Res­pýb­lıkasynda elshi qyzmetin qosa atqarýshy Janseıit Túı­me­baev Albanııa Respýb­lıka­synyń Prezıdenti Bamır Topıge Senim gramotasyn tapsyrdy. Senim gramotasyn tapsyrý rásiminen keıin Qazaqstan elshisi­niń Albanııa Prezıdentimen bol­ǵan suhbaty bary­synda B.Topı Qazaqstanda júrgizilip jatqan saıası jáne ekonomıka­lyq reforma­larǵa joǵary baǵa berdi, Albanııa basshylyǵynyń ekijaqty já­ne halyqaralyq másele­ler­diń keń aýqymy bo­ıynsha Qa­zaqstan-Albanııa qa­ty­nas­ta­ryn damytýǵa ázirligin ras­tady. J.Túımebaev Albanııa mem­le­ketiniń basshysyna Qazaqstan Prez­ıdenti N.Nazarbaevtyń eń izgi tilekterin jetkizip, B.Topıge onyń taıaýda ótken týǵan kúnine oraı Qazaqstan basshysy jol­daǵan quttyqtaý hatty tap­syrdy. Saýda-ekonomı­ka­lyq, kólik-kom­mý­nıka­sııalyq jáne ınvestısııa­lyq salalarda, son­daı-aq mádenı-gýmanı­tar­lyq salada ekijaqty qatynas­tardy damytý qajettigin atap ótti. Jáne Albanııa Prezıdentine jyly qabyldaý úshin al­ǵysyn bildirip, Qazaqstan-Al­ba­nııa qa­ty­nastaryn odan ári damy­týǵa bar kúsh-jigerin jum­saıtynyna sendirdi.