Oqýshylar erledi

Tórtkúl dúnıede úzdiksiz ótip jatatyn pán olımpıadalarynan Qazaq eliniń oqýshylary júlde­siz oralǵan emes. Jaqynda taǵy da sondaı qýanyshty habar Reseı astanasy Máskeýden jetken. Ol halyqaralyq Mendeleev olımpıadasyna qatysqan ul-qyzdarymyzdyń hımııa páninen abyroıǵa kenelýi edi. Bıylǵy jyldy álemdik qoǵam­das­tyqtar hımııa jyly dep ja­rııalaǵany málim. Bul jas talant­tardy qoldaý, solardyń arasynan myqtylardyń baǵyn ashý nıetinde atqarylǵan ıgi is edi. Osy arada sońǵy ýaqyttar ishinde qazaq­stan­dyq oqý­shy­lar hımııadan ót­ken bilim sa­ıys­tarynda bas júl­de­ni jeńip alyp júrgeninen birer dálel­der keltire ketsek deımiz. Mysaly, ótken jyly sondaı bıikten Jal­ǵas Serimbetov (Jambyl oblysy), halyqaralyq «Týımaada» olımpıa­da­synda tarazdyq Ernur Tólep absolıýtti chempıon dep tanyldy. Jalpy, álemdik deńgeıde ótetin Mendeleev olımpıadasyna ár mem­le­ket óziniń 6 oqýshysyn usy­nýǵa quqyly bolsa, Qazaq eline onǵa deıin oqýshy jiberýge múm­kin­dik berip keledi eken. Munyń ózi bizdiń memleketimizge degen erekshe iltıpat bolsa kerek. Jaqynda Máskeý qa­lasynda ótken 45-shi ha­lyq­aralyq Mendeleev olımpıa­da­syna qatysqan oqýshylarymyz júz­den júırik, myńnan tulpar eke­nin taǵy da tanytty. Olımpı­da­nyń altyn medalin Taraz qala­sy­nan qatysqan Abylaı Shahnazarov, kúmis medaldi Vladımır Dol­j­nık­ov (Soltústik Qazaqstan obl­y­sy), Vladıslav Qamysbaev (Alma­ty), Ernur Tólep, Nurbek Serik­uly (Jambyl obly­sy), Mıras Bekbergenov (Astana) alsa, qola medaldi Daler Baıdılov (Pav­lodar oblysy), Murat Sul­tanov (Alma­ty), Ázim Amanjolov (Astana) ıe bo­lypty. Olım­pıa­da kezinde Er­nur Tólepke hımııa páni boıynsha jasaǵan zertteý eńbek­terin joǵary baǵalaǵan BASF hımııa konserni Germanııaǵa baryp qaıtý úshin  arnaıy joldama bergenin aıta ketkenimiz jón. Jalpy, osyndaı ıgilikti isterge uıytqy bolyp kele jatqan Bilim jáne ǵy­lym mınıstrine qarasty «Da­ryn» ǵylymı-praktıkalyq ortalyǵy eke­nin aıta ketsek deımiz. Súleımen MÁMET.